天外一問(10點)！

劍客:
劍客大概都係升力量同體質,屬性點方面你一開始最好+2點體同1點力,之前學到健身術10Lv,就+2力同1體,不過睇你鐘意多攻定多體,我就學晒健身之後就全+力,因為劍客d防禦力同體質都為多+埋裝,已經夠晒,之後全+力反而重好。技能點就容易,武技個度學左破碎之後是但揀一邊學,之後升招lv升到學到第2招就得,強化技個度學晒,都係升招lv升到學到第2招就得。

術士:
屬性點方面你最好學晒土系個招歸元訣先,10 lv之後就可以+2知同1體(積係未學歸元訣之前要全+智,所以最好20 LV內最後先學歸元訣)。技能點方面術士係該學3-4招,因為如果學晒全部招,分技能點就唔得平均,至於學邊隻,冇講勁廢既,不過都講下啦,首先一定要學剋剋自己屬性既招[例如你係火,就要學剋水(剋自己)既屬性,積係土],呢個係所有術士必學既,其他都冇乜所謂,我本人既建議:1)木,有得吸人血(吸魂術) 2)火,有招人地打你個陣佢都會受傷(赤焰甲) 3.土,有得+最高mp(歸元訣)同用土遁「呢埋」如果以上有剋剋自己屬性,咪學3招,冇就學4招

風水師:
風水師係最平均既,都係最易升,屬性點方面,全+幸運,永世+幸運,咁全部能力都會好平均。技能點方面,因為風水師好多招係得1 Lv所以五行技就全部學晒佢,都係升招lv升到學到第2招就得。而咒術都係一樣學晒有招(百工匠滅唔好學,又廢又曬符),同埋有得升招lv既招都升滿佢,除此之外,你都可以升d你鍾意既招lv好似你係火系,符文劍斷 ,火雲界令呢d就升高d Lv,同埋響兵弒咒,移形換影,水影咒,火輪咒同化牆術呢d輔助技,都可以以自己既喜好升高d Lv

藥師:
藥師最好+2知同1力,+2知既話醫人個陣可以恢復人多d,又可以多d mp醫人,異常攻擊同霧擊既傷害都會多d;而+埋個1力就可以令用藥鋤打人同出霧擊果陣令人傷害多d。而技能點就最容易+,除左異常恢復類別既招,全部學晒佢,重有恢復hp/mp個類招式、殺威棒同羅漢打都可以升高lv d。

巧匠:
巧匠就特別d,每升2Lv+5敏同1體,首先敏捷對巧匠非常重要,不過體質又唔夠高以可以升1Lv,+3敏,升第2Lv,+2敏1體咁。而技能點方面因你所好學唔同招,首先體技要學晒,升招lv升到學第2招就得,而箭技你可以揀幾連擊幾連擊咁,唔學其他其箭技,幾連擊咁有個優點,就係當你學到五連擊或六連擊個陣,分分鐘1招秒殺(秒殺意思=1招ko)一個高你十幾既人,威力可以好驚人;或者可以學到三連擊之後爆裂箭個邊d招。睇你鐘意一招秒殺定搞其他花樣。

係咁多
(你玩邊個sev?叫咩名?我兩個都有玩,不過收費就就黎唔玩,幾時online?add你~)