貓貓的黑頭?

哈哈～我隻貓以前都有架，
不過而家好番LU^^～
雖然貓D黑頭唔似人果D咁生得咁實，
但果D係黑頭黎架～

我有幾隻貓，得一隻有黑頭，
其他幾隻係兄弟黎既，佢地又冇生喎，
所以我諗同本身油脂分泌有關啦！

貓同人一樣，
如果多油脂加上痴左污糟野就會生黑頭／暗瘡～
你隻貓貓可能係因為貓兜唔乾淨或者貓糧太油膩，
所以令到佢下巴生黑頭～

我果時係用暖水整紙巾每日幫佢抹，
細細力好喇，唔係會好易發炎～
咁樣D黑頭就好易甩出黎架喇！

你話D毛都甩埋，會唔會係因為你用手指抆或者太大力捽？
試下細力D，用暖水＋紙巾可能會好D，
同埋D黑頭再多會變成暗瘡（同人一樣），
所以就算甩毛都要Keep住抹好D呀～

另外，你都試下勤D洗個貓兜邊或者直頭換過個貓兜，
不秀鋼兜／瓷兜會好過膠兜，
因為易洗D嘛！

Keep住以上方法應該會有改善～
我隻貓都冇左黑頭好耐lu^^

2007-06-17 19:45:08 補充：
呀！突然記得，我隻貓就係換左不秀鋼兜之後好番架喇～如果你用膠兜既都快d換左佢睇下好唔好d啦^^

我的貓都係,剛找到方法,就係用濕布搽,然後用虱梳順毛逆毛梳,要有耐性.