急問 倉鼠逃走左 點算!!

佢走左出唻情緒一定好緊張,唔走返出唻都好正常.你唔好表現得太緊張,鼠鼠得聽出既.試下好似平日放俾野佢食咁樣叫佢,等佢知有野食睇下得唔得

而家冇聽既,可能係訓左or走左去第度,你要肯定佢係咪真係仲在你所講既位(因為唔知你講既位係睇唔睇到),鼠鼠係逃走專家,而身體既伸縮能力好強,可能走左去第度架.

尋晚到而家應該未到24小時吧?如果佢真係停留該位,而逐位置冇毒藥,而家應該未咁快會死既,但唔好諗住佢餓or渴就會出唻,因為佢太驚,未必架,努力d引佢同睇下佢會唔會去左第度啦!希望你好快搵得返佢

鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現.
5)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到.

如果搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

2007-06-17 17:04:43 補充：
個人認為,用電筒照佢迫佢出唻係嚇到佢走既方法,小心佢一走出唻就唔知佢去左邊or驚到仲唔出,想試既話最好準備得好d先好去試.我覺得鼠鼠已經好驚,除非真係咩方法都唔掂,先好嚇佢啦,鼠鼠心率快好易嚇死既.睇到佢既話,引一引就好俾佢抖一抖,唔好俾太大壓力佢呀

佢遲d就會出黎架啦
佢一定會肚餓

呵呵~我地真係同病相憐....

我隻倉鼠都試過好多次係咁...

都係爬入個櫃既縫隙度..我個櫃都好重架 ...

開頭,我都搬唔到,但係我諗住如果唔求佢出來,佢會死.

但突然之間變得好大力..跟住就拉到個櫃...用手捉番佢出來啦...

第二次,佢又走入個櫃度...跟住,我就試下用電筒d光..引佢出來...點知真係得..

不過,要拉開個櫃dd..俾佢走出來

佢會唔會係嚇親所以鑽左入去？
or鑽左入去kic住左出唔到黎？
你慢慢等佢出黎

你有冇試過比D倉鼠食既零食引佢AR?

過多幾日通常都會自己出番離ga la

因為佢口渴ar ma

or遲d你可以試下用水引佢lo

唔駛驚,如果佢肚餓就會走出黎,
而聽唔到佢挖地發出嘅聲音
好可能只係訓左覺 !!!

2007-06-17 16:42:40 補充：
走過n咁多次,最後都冇乜事.

他是甚麼原因而逃走的??