住美孚曼克頓山係咪好嘈

老老實實,我個人覺得曼克頓山中層以下既應該會嘈
因為3號幹線流量極高,而且第時望中環方向既單位面前會有一條新既道路幹線通車
況且曼克頓山勁SELL未來面前有一個國際級既體育用地落成
意味第時會係個地盤....
我相信D經紀應該無同你分析過呢點
我諗樓主應該係BUY佐向中環方向過千呎既向海大單位
我估樓主都應該係一個有實力既BUYER,住緊沙田九肚山附近既新界豪宅
唔知道係唔係你個區既AGENT CALL佐你或你屋企人去睇MAHATTAN HILL,就買佐?
我唔夠膽講曼克頓山會唔會升值,因為而家未正式入伙,唔知會唔會爆發蝕讓潮
因為到入伙同過佐一排,先會知道市場究竟容唔容納到一個勁高於市價既美孚盤

但我覺得始終駿景園九肚山一帶係香港傳統既豪宅地頭,歷史耐,唔升值,都唔會跌得去邊,
九肚山有一大批大家族有錢佬支持! 將來亦難有新供應
但曼克頓山係一個新既定位,
D地產佬,發展商同傳媒常說而家新型豪宅重視用料,景觀多於地區
曼克頓山明顯唔係豪宅地頭
景觀係美

D地產識吹水話個VIEW點正點正,但到你第時想放樓套現時
佢地同個客,亦都會吹話要睇曼克頓山個景,可以平D價錢BUY其他樓,不用BUY曼克頓山
而且西九龍未來實在太多供應,特別係過千呎既大單位
西九龍成日有地賣出,加上奧運站果邊好多一手貨尾去唔哂,二手放盤亦多
價錢存在變數!!!
所以我RECOMMEND應該留守沙田區

我係一個對樓市有研究既大學生