急急急!!!! 7-11叫我番工~!?

首先你自己問下自己, 你想唔想知呢份工先?
我諗係電話度人地問你今日3點鐘番唔番到工, 你應該是答了可以, 而家唔知去唔去好係咪.
如果你都想做呢份工, 咁你係電話度應承左人3點鐘到, 你心裡面又有咁多疑惑, 點解唔今日三點去見一見, 問清楚呢?
1)佢咁樣係咪真係請我~定係見下我?!?
我諗佢地請你的機會都大, 但去度都係要再見一見先, 如果ok, 就即時叫你影印身份證呀, 講聘用條件, 咁就即刻開工都唔定.
2)我有冇咩要注意? 佢會唔會呃我? 會唔會番完冇人工出?
要注意d 乜? 咪唔好咁緊張o羅, 俾對方一個感覺是你好有誠意做呢份工o既. 至於呃你? 佢地呃到你d 乜呢? 大不了咪白走一趟. 唔駛咁擔心的. 會唔會番完冇人工出? 番完唔俾人工你, 你可以去勞工處告佢追討的, 佢間7-11係度, 唔會走你的.
3)而且佢點知我番左幾多個鐘?點出糧俾兼職?
呢d 咪你今日3點去開工前, 問清楚至開工o羅.
最緊要唔好咁緊張, 誠誠懇懇咁, 就ok 嫁啦.如果佢冇心請你, 都無謂叫你去的.
除非係你去之前, 佢地搵到個覺得好過你o既姐, 咁o既機會唔大的.
希望幫到你啦.

1)佢咁樣係咪真係請我~定係見下我?!?
A:係

2)我有冇咩要注意? 佢會唔會呃我? 會唔會番完冇人工出?
A:其實佢應該唔會呃你o既,你去到咪睇下o個間係咪7-11 lor

3)而且佢點知我番左幾多個鐘?點出糧俾兼職?
A:你返工放工要key機ga,兼職出糧都係入落戶口