點樣可以令自己專心一點讀書

除咗你自已, 冇人會幫到你.
首先你要自已稔清楚, 讀好書對你自已有乜好處, 你要先確定讀好書對你將來的前途係好有用處的, 你依家"犠牲"一啲玩耍的時間, 先讀好書, 考好個試, 之後咪大把時間玩囉, 只係玩遲啲啫, 唔係永遠冇得玩丫嘛.
好嘞, 先讀好書, 考試考到個好成績, 你就會覺得有成果, 第時就會更加鍾意讀書嘞,
只要你自已決定到讀書先, 讀識書先至玩, 咁你就唔會俾嗰啲玩意分到你心嘞. 因為你知道又唔係冇得玩, 只不過遲啲玩之嘛.
此外, 你讀書唔好覺得好似坐監咁慘, 你讀書要好似睇故仔書咁, 你要對佢發生興趣, 自然會容易啲記入個腦度, 當你逐啲逐啲記到嘢時, 你就會好開心好有成就感嘞.
你稔吓, 如果你時時淨係掛住玩, 咁你咪成世玩囉, 考唔好個試,升唔到學, 搵唔到嘢做, 第時唔慌唔大把時間玩囉.
做人係要有承担架, 係要有犠牲架, 而且每一個階段都會有唔同的責任, 每個人都要做好自已的本份, 而唔可以淨係掛住做自已鍾意嘅嘢, 在現階段, 你父母的責任係為你供書教學, 你的責任就係讀好書, 你父母做工賺錢都係要犠牲佢地的休息時間同埋玩樂時間, 所以你暫時玩遲啲, 犠牲少少玩樂時間, 讀好書,考好個試, 都係你要盡的本份黎嘅.
你話你成日都集中唔到精神, 咁你玩機的時候, 會唔會集中唔到精神丫?, 你唱K嘅時候, 會唔會集中唔到精神丫? 所以話啫, 如果你當讀書係你鍾意嘅事, 又點會集中唔到精神丫.
如果你喺屋企有自已的房, 當然最好啦, 就算冇, 就算屋企成日有人打麻雀, 咁咪至多去圖書館囉, 總有辦法想嘅, 最緊要係你有心啫.
祝你成功!

我認為首先唔好聽住歌黎溫書...
因為咁樣一定專心唔到!
另外...鎖電腦都有用...只少令到自己無咁想成日開電腦!!
同埋係一個靜d既地方讀書or溫書,....
都可以令自己專心d溫!!!
有時如果溫到悶....可以休息....或者沖下涼..洗下臉!!
我會係朝早既時候溫書or讀書~
因為果段時間係個腦最無乜野諗~
同埋容易專心dd!!

其實讀書既野都係靠自己!!
只要你下定決心去做一樣野既時候..
你一定可以好專心!!!!!

試下唔好迫自己咁行先, 放鬆左再溫會更有效率~反正硬來都係發夢入唔到腦~
試下以下方法啦~我 alevel 果陣都係咁做~
1. 沖涼 / 浸浴 : 溫水可以令人放鬆~而且有助血液循環~個腦都 load 快 d 啦~
2. 訓覺 : 充足睡眠對大腦運作有幫助~
3. 聽歌 : 慢歌, 最好係 classic 既純音樂~令人易 d 集中~
4. 按摩 / 做運動 : 輕輕按摩自己既肩同頸, 仲有眼睛同太陽穴, 都可以令人精神 d~做運動出身汗, 人都精神 d~

再唔係改變自己既溫書習慣~如~
1. 用圖表 / mind map 整理資料, 分析內容入面既因果關係, 有助記憶, 專家話人腦記圖會快過文字
2. 讀出課文 : 用聽覺記野比用文字快 6 倍, 所以不妨自問自答, 會記得快 d
3. 做 past paper : 真係唔想溫書就做下 mock exam paper 同 past paper~搵出自己弱既地方再針對性咁溫, 而唔係由頭咁溫一次, 咁會快 d 上腦~

希望幫到你啦~

2007-06-17 11:57:17 補充：
仲有, 揀個好既地方讀書都好重要, 好嘈既地方都唔係咁o岩, 仲有燈光唔好咁暗, 會好易訓覺, 最好既地方係自修室, 因為身邊既人都好努力讀書, 你會響咁既氣氛下易 d 集中...

安静的地方去读兼用心。排除杂念

If there is a will,
there is a way.