美國陸路過境墨西哥?

LV 開車去 El Paso大約十个鐘,你可以係Yahoo Map睇佢教你點行.呢D洲際公路一條直路好易揸.
係El Paso過 Maxico就好似過皇崗,可以開車過或行路過.如果同行冇人熟果邊,而你只係過去睇吓.就唔建議開車.因為所有車嘅保險都唔會包,同埋果邊警察好貪污同只職西班牙文.行過去嘅話,有停車場(好似10蚊日)閘口旁邊俾你停底架車行過去.美國出境冇人會理你,經過一个有出無入嘅閘(好似係泳池更衣室出嚟个隻)行過條橋.(好似羅湖橋甘短,不過冇蓋)Maxico個边亦無移民局理你.但如果開車就可能截停搜搜.
返美國就嚴好多,美境有正式櫃位check你嘅passport.啲車仲時時排很長龍,因為好多人走水貨,而海關持別注意毒品入境.(罿境都有人走水貨,但个邊已洗通黑錢,而美境就冇得洗)
Texas 係US第二大州(俾旁边四個州加起來仲要大),所以我唔知你有多少時問仲可以去其他地方.
El-Paso我知附近有个鐘乳石洞,我未去過.有人去過講大陸个啲比佢大得多,靚得多.你真係想去,可以e-mail俾我,我幫你問.
另外你可有時問從EP開8个鐘車去NASA,Houston space center.(侯斯頓太空中心)這裏是國際太空站及穿梭機的控制中心.(不是發射台,發射火箭在FL)老實講,俾遊客睇得嘅地方似兒童樂園多啲,二十幾蚊入場我覺得幾揾笨.但係人一世,唔俾佢揾笨過將來邊有得呻.話曬全世界都得佢有得睇.