拖波 / 棍波

1. 事實上換brake皮是便宜過換技力子碟，所以切勿認為傷brake pad，而常使用拖波慢車。拖波是駕駛棍波車之救命招式，所以駕駛者都應學習，通常在下雨天及長命落斜，brake會因長時間使用及潮濕而失效，拖波就成了救命招。一次完美之拖波是要加少少油，當落低一個波段後，波箱齒合完美，就不會chok。但初學做不到亦無不可。只要不是掃波牙，技力子碟都是有限錢的。
2. 長時間半踩離合器，是會燒毀技力子碟(即磨擦片)的。而click上波是應該慢放離合器，令引擎有時間齒合，而降低/拖波則可快放離合器。
"係未踩離合器時就換左波"，是會掃波牙，幾次是不會有問題，常常發生就唔好。至於R波是有特別手法去入的，必須正90度拉近身才入R波，要練習多些就可。

I don't think you know how to drive at all.

1. 你個車速唔夾, 多數係引擎轉數跌得太低, (落波時冇俾油), 而亦冇吊極力子, 咁一咬車時就夾硬將車輪同引擎既速度夾埋, 就會咁.
傷唔傷波箱就睇你有幾大力勒, 不過極力子會傷o的.
2. 太快咪又係好似上便咁講囉, 總之夾轉數係轉得順既重點. 而吊極力子傷既係極力皮, 呢塊野換得架, 唔使驚話傷架, 唔好吊足一日咪唔會燒囉. (一日吊果十次八次每次10秒都唔使驚)
總之換波順唔順係睇你手車好唔好既重要指標, 唔易做架,
放極力子要慢但係要順, 引擎轉數要用油門控制至適中,
短暫吊一吊極力子, 之後再用油門加速......
至於第三條問題就留返車主答咯~