✔ 最佳答案
其實你話五點機到,但你攪攪下出到閘到五六點嫁,機場巴士五點半就有,唔知你住邊頭,但基本上一個鐘左右可以出到首爾市區....地鐵站有0的有locker可以借,但size應該係放得入hand carry咁上下....手拉行李你可以試下寄存係酒店先,好多酒店都肯俾你放到check in0既,或者你可以出發前send email問下
之後食下早餐hea一陣,都八九點嫁喇....九點景福宮同其他一0的景點都已經開放,你已經可以開始你0既行程....或者唔食早餐直接去汗蒸浴沖個涼訓陣覺等check in都得....汗蒸浴通常都係開24hr,當休息下準備下晝行程都唔錯....亦都可以當體驗下韓國人平常生活會做0的乜
錢你可以係香港換定,因為你要預左係機場換一定係貴0的....但如果你唔介意都okay,0個邊一出關就會見到銀行,上go2korea印定張coupon可以有discount
如果你係旅遊區都會有0的識英文0既韓國人0既,但你唔好希望佢會明白你好長0既英文句子,用單字加表情效果會好過你用完美長句....其實遇到識講普通話0既韓國人可能機會率仲高過識英文....如果你識日文,係韓國都會比識英文好....
自由行如果你識簡單韓文同普通話就okay嫁喇....如果一0的韓文都唔識就要俾多少少耐性去溝通....小小迷茫梗有嫁喇,但韓國人基本上都好肯幫人,想去邊就麻煩酒店0的人幫你寫定0個到個韓文名同地址,去到唔識就拎番個地址出0黎指俾人睇都okay....有時會有人肯帶你去....
問路通常都係兩句走天下,抄低到時再手指指就okay.... :p
"여기 어떡해 가요?"("呢到點樣去",你指住地圖或者地址問)
"여기 어디에 있어요?"("呢到係邊到",都係要配合地圖使用)
2007-06-18 12:16:01 補充:
最尾0個個應該係"이거 어디에 있어요?" (
2007-06-18 12:16:30 補充:
最尾0個個應該係"이거 어디에 있어요?" (<--"呢個係邊到有?", 例如問邊到有7-11,就可以改成"7-11 어디에 있어요?")