我女朋友係唔係真係鍾意我?

我識左佢１個星期之後，我約佢出街，我問左個問題，（我地算唔算拍緊拖？）（佢答：算係掛）就咁就開始左

從開始至今２個星期，同佢出過幾次街食飯，帶過佢１次返我屋企食飯（我都覺得有ｄ怪），送過一兩次禮物，每次佢放工我都用車載佢返屋企（但未上過佢屋企）

我總係覺得我同佢之間有ｄ問題：覺得我同佢總係有段距離，其實有人向我提過佢之前可能有男朋友，因為佢有戴住１條有戒指項鍊（但係佢曾經講過話佢冇男朋友）

現在我最多都只係拖手（開始拍拖２星期之後先開始拖手），最近我地都要考試，可能比較忙，但我覺得佢最近好似成日想避開我，佢係ｍｓｎ見到我ｏｎｌｉｎｅ，講左一兩分鐘佢就ｏｆｆｌｉｎｅ，問佢考完試有冇時間，佢就話要返工（我覺得我似佢司機多過佢男朋友．．）

我自問樣係一般，唔算樣衰，但亦唔係靚仔，口才亦唔係好，唯一有利之處可能就係我擁有３重國籍，所以有人對我講要小心ｄ女仔為國籍身份而做我女朋友，因為呢種女朋友唔會係真心，因此我亦擔心我女朋友會唔會係呢種人（我女朋友係中國大陸人）

大家覺得佢係唔係鍾意我呢？係的話有何方法可以改善我地的關係？如果唔係我應唔應該先提出分手？