煎扒要煎幾耐先得........好急

吉之島有派過一份叫做「煎健康牛扒就係咁簡單」嘅單張，恐防而家己派完，我而家抄俾你:-

(1) 挑選牛扒
***選購肉色鮮明牛扒，脂肪呈奶白色。
***檢視包裝上的保鮮期是否已到期。
***選購澳洲草飼牛扒，其脂肪集中，容易切除。
***澳洲草飼牛扒含脂量及膽固醇最低，是健康的牛扒。

(2)準備工作
***不必用水清洗，用廚房紙巾抹乾牛扒表面即可。
***煎牛扒前不必用鹽醃味，因為鹽會吸乾水份，使肉質變老。


(3)時間掌握
***燒熱油鑊，將約2公分厚的牛扒放進鑊內兩面各煎2至3鐘，即成3分熟牛扒。
***轉中火，兩面再各煎2分鐘，即成半生熟牛扒，若需全熟，可再各煎2分鐘。
***用鑊鏟輕壓牛扒表面，感到柔軟的話，肉仍很生，肉越硬，表示越熟。

(4)健康秘訣
***挑選纖瘦的牛扒。
***盡量切掉牛扒上的脂肪，以盡量少吃動物脂肪為原則。
***不要用動物油例如牛油煮食。
***應多用菜蔬、烚薯或焗薯伴牛扒，莫用炸薯條、炸洋葱圈等高脂食品。

(5) 簡單伴汁
***可用現成的瓶裝或小包裝牛扒汁。
***或可在煎好牛扒後，利用剩餘的油以慢火爆香乾葱、洋葱、蒜茸、羗茸或其他香料，放鹽、胡椒粉，加上湯或鮮忌廉煮一會，埋生粉獻即成。
***以此方法可隨意加入其他材料，例如蘑菇、冬菇、西芹、紅蘿蔔等，然後用各式醬料例如蒜茸辣椒醬、蠔油、磨豉醬、甜酸醬等調味，便可泡製出各式各樣的牛扒汁，請依你的經驗嘗試作出各種不同的口味。

您哋想煎咩扒呀!雞扒同豬扒就一定要全熟先得!牛扒的話,睇吓您哋想食幾成熟囉~(怕燒焦的話,可煎吓又熄火再焗吓,千祈唔好用大火去煎呀!)

如煎雞扒:
1)將雪藏雞扒沖洗, 再用2茶匙鹽涮雞扒.
(因鹽可以快速將雪溶解亦可去除雪味)
(2) 待雪溶解, 雞扒軟身後, 再次沖洗.
(3) 可加入調味粉醃味. 醃15-20分鐘.
(4) 煎扒之前可以在雞扒厚身位置輕"界刂"幾刀.
(5) 燒熱鑊或PAN, 再加少許油, 待油滾才下雞扒.
(6) 雞皮向下先煎, 再用鑊鏟壓幾下, 這樣煎皮會出雞油, 令雞扒味道更香.
雞皮煎至金黃色就可翻身再煎, 想吃嫩滑雞肉一定要用細火慢煎.
(7) 煎熟可以上碟, 享受美食.

如煎牛扒:
在家煎牛扒之要點

事前注意事項:

1.) 平底鑊是最低要求，但無論你煎煮功架有幾好 ，平底鑊都會令肉類表面大幅【收水】，容易表面乾熟內裡太生帶血。故此，最好使用專門【炕】扒用的 - 有長長凸出橫坑的扒鑊，保證能得到更佳成果。
2.) 牛扒不能切得太厚，家庭爐具火力細，超過一吋厚的肉，都不宜在家裡煎。半吋至五份三吋，是最佳的厚度。
3.) 件裝靚肉買回來後，不要用水清洗。如肉類生出太多血水，可用廚房用紙稍作吸乾。
4.) 計劃食扒的時間。事前一天，買幾塊冰封靚牛扒買回家後，不用攤出o黎全部解冰，否則會狂生血水。應用膠盒存放，膠盒內倒入菜油及少量橄欖油蓋過肉面養住，放置於雪櫃下層，翌日食用時冰已自然解封，扒肉已被靚油養過，質味更佳，又不會生出大量血水。用這個方法去解冰的扒類，可存於雪櫃三、四天，質量仍然不變。
5.) 要煎烤的扒肉，不要放在雪櫃裡直至煮之前一刻才由雪櫃欏出o黎落鑊。應預早九十分鐘或至少一小時便要由雪櫃取出，讓它先進入室溫。
6.) 不要太早落味腌製扒用，落鑊前三十分鐘落味，已然太早，最好係十零分鐘前。腌製方式人人不同，請自修。記得唔好放糖，否則【黑焦】牛扒。

煎煮炕扒重點:

1.) 忌多油，記住唔係炸牛扒。
2.) 扒鑊要 pre-heat，熱了才沾些少油或牛油在鑊裡。
3.) 用金屬夾，夾著牛扒，先煎有厚度的兩個側面 *(即夾住讓牛扒打直企)，煎牛柳更要先由側面開始，否則中間都幾難熟。
4.) 用炕扒鑊煎牛扒，忌翻來翻去，炕扒，不是炒午扒。來回共六次 ，便可完功。先中至大火，輕輕企煎兩側，然後大火去煎是旦一邊，兩至三分鐘後翻轉，大火煎另一邊，又是兩分鐘多o的，然後收中火，翻轉再煎分零兩分鐘，再翻轉煎分零兩分鐘。完功上碟，坑紋靚絕，肉身多汁又夠熟。
5.) 如牛扒的厚度，是五份三吋，哪八分鐘已有七至八成熟，十一分鐘已十成熟透。
由頭到尾，千祈唔好用鑊蓋蓋上，否則前功盡廢。

有關牛扒汁(以下只是最簡易的基本製汁方法，複雜的，請自己睇書參考):

1.) 煎完牛扒後，留在鑊中的 pan juice 油汁，是最好的汁水 base 。勿倒掉，我們就用它來製牛扒的味汁。*(兩人份量製法如下)
2.) 留在鑊裡的汁，慢火加熱，視乎口味放入少許蒜蓉或乾蔥蓉，稍稍爆香，然後伴入罐頭半杯清雞湯、罐頭忌廉湯或紅酒，如你係悶蛋，請用清水代替。
3.) 待它稍滾，便要拌入牛油一大茶匙，然後加入你喜愛的調味料，如些少鹽、胡椒粒、丁香、已砌好的洋蔥粒及少量 rosemary 等；悉隨專便。味汁收水夠厚身，便可淋在靚靚的牛扒旁邊。
4.) 最後，亦是最緊要的。就係開著套 HiFi，斟杯紅酒，快o的開餐 ……

如煎豬排:
買回來無新鮮或雪豬排冼淨後先用豬排掫仔將豬排每件都扑幾下,用潔凈布或紙索乾水份,然後加鼓油,許糖量麻油,之後半時.跟住就開始中火煎,煎至金黃色後再反轉,又同上,之後開大火同時數1 2 3 4 5 熄火 因鍋尚度十分高,即鏟起所有豬排上碟!如喜其他配料隨你喜歡再倒配料下去先炒後豬排再回鑊,兜暈落茨,快手炒,完成.上碟.ok! 豬排取仔各1o蚊店有丫 !

如煎羊扒:
首要係選料新鮮+新鮮既羊扒用最簡單的方法煮先原汁原味.

用少許橄欖油. 黑胡椒碎. 鹽和 rosemary 醃30分鐘或以上.

用煎pan燒熱1湯匙橄欖油, 落羊扒每面煎1~2分鐘, 即可上碟.

好好味的, 這個方法一定...正

香草煎羊扒

材料
冰鮮羊扒 3件
Rosemary 隨意
Oregano/Thyme 隨意
蒜鹽 隨意
橄欖油 隨意

做法
1. 羊扒用香草醃好 (醃多久都可以，但不能過早加鹽以免出水)
2. 燒紅鑊下橄欖油
3. 在羊扒上面撒鹽然後下鑊
3. 先以大火煎羊扒至兩面金黃
4. 轉為慢火，把羊扒煎至熟透即成

註︰
不能用水洗羊扒，否則在煎羊扒過程中會出水，令肉質變得乾硬。
可配薄荷醬或芥末。

煎扒要煎得好食, 一定要用猛火 & 牛油.

當然, 每無得塊扒厚薄唔同, 好難用時間話要煎幾耐,

不過, 通常你每邊煎約一分鐘都差不多,
最好煎埋個邊 (夾起佢好似車碌咁碌), 將肉汁完全鎖住;

煎好後攤一攤先食, 唔...very nice.

呀! 其實要好食, 塊扒的質素好緊要, 煮其實好易.