✔ 最佳答案
樓主既問題既前提係"如果我係張學良",回答前首先要理解一下當年少帥張學良點解咁衝動做埋d咁既事
1. 最多人諗到既係因為愛國.當時日本仔打到黎,但係蔣介石仍然堅持要先剿滅共產黨才抗日,令日本人在中國東北橫行無忌,迅速佔領東北三省.在張學良給妻子的家書中,聲稱自己因愛國而發動西安事變,即使接受軍法也在所不惜.
2. 其次,國民黨軍人對"先安內,後攘外"政策失去信心.以張學良的為首的年輕將領在五次圍攻共產黨成為進攻主力,他們深切明白消滅共產黨並非一朝一夕.之後被共軍突圍後,共軍在延安建立根據地,國民革命軍更是取勝無望,正式抗日無日無期.
3. 最後,張學良逼宮仍不脫私人理由.當時日本仔在九一八事變後侵占遼寧和瀋陽,而瀋陽正是少帥的老家;此外,其父張作霖係被日本人炸死.真係國仇家恨,咩都有齊.
所以,如果我係張學良的話,都係會發動西安事變.雖然知道自己唔會有咩好下場,但係都係要有所交代,咁先係仰天無愧