老豆心，海底針。其實佢dady愛唔愛佢?!!

老套講句...點會有爸爸唔愛自己既仔女架？
我好幸運，有一個好鍚我既爸爸，而且佢真係識得點教我。
好多爸爸都唔識得點教仔女，覺得乜都就哂佢就係對佢好，
又有人認為「細路仔，唔打過點識大？」真係唔明呢句野邊個講。
有少少唔滿意就用暴力，個小朋友會點諗？
點解我做親咩，爸爸都會打我鬧我？長期壓力之下，
小朋友會變得好冇自信，大個左可能都會有暴力傾向，
呢D例子真係見過唔少。
唔係唔學，而係唔識學。好多爸爸都大男人主義，
佢地會覺得，我係老豆，我梗係岩，我識野梗係多過個仔／女，
點解我要學？我唔覺得自己有咩錯？我係你爸爸，唔打得你？
好多爸爸都會咁諗。
又有人會覺得用語言／行動上關心仔女係好冇面既一件事，
男人之家，日日嗌個仔記得著多件衫，會覺得肉麻。

所以...我諗你朋友個爸爸係愛佢既，學你話齋，唔識教嘛。
可以嗌你個朋友同爸爸主動傾多D計，爸爸有多大男人都會感動的^^
希望幫到你啦^^

我覺得有時有d野唔係話學就學到
壓力會令一個人改變好多
佢可能自己都控制唔到自己
又有邊個可以肯定佢自己背後無後悔過
佢以前鍚佢係因為佢細
你又有無諗過你個fd唔聽話ge係咩事
大家都有錯，其實如果可以ge話
不如試下出去住一段時間
睇下佢dad咩反應先再算

打者愛也
其實佢daddy打佢
你因為想佢好..緊張佢
啗係佢過火左d都唔知點表達
佢daddy仲愛佢ge
如果唔係.又點會咁做呢

有冇聽過愛你愛到發晒狂.......發晒狂........發晒狂..