香港邊度有得食蛇羹???

蛇王東

地址: 九龍城衙前塱道14號號地下
電話: 2382-1698

蛇王善
Shea Wong Sin
地址: 深水步桂林街50號地下(近元州街街口)
電話: 23861593
菜式: 港式
消費:
儉 (每人 $40 以下)

蛇王善
秋冬起,三蛇肥!!! 今日無意間撞咗入去食蛇羹. 又成年冇食喇,今日凍咗去食蛇羹,其實都係一個唔錯嘅選擇.







入到去叫碗細蛇羹. 阿姐攞到嚟估唔到有咁多料. 後面見伯伯係度撕緊蛇肉,嘩成坐山咁高,唔怪得知咁足料啦. 檯面有薄脆同檸檬葉任你落,我就當然要多葉啦,啲檸檬葉香味同蛇羹味好夾. 蛇羹不單足料,味道仲係清甜,唔重味精,好好味!! 見餐牌有套餐,細蛇羹加細糯米飯都只係$40,所以都叫阿姐俾多碗糯米飯. 糯米飯味道唔錯,有臘腸同臘肉粒,仲有青蔥同花生,真係好好食!!

一邊食,已經有唔少人出出入入,流量幾高,都足已証明質素有番咁上下. 食食下,我又周圍望,見到一樽樽蛇酒,入面有好大條蛇,個樣幾驚嚇,但又好想試. 我走埋去睇真啲,個阿姐就話我知啲酒有咩功效,話有駒風作用喎,雖然我身體冇咩問題,不過咁有趣嘅蛇酒,只係$20一小杯試吓又何妨呢. 之後坐我旁邊個嬸嬸,又話想飲,不過怕醉,所以阿姐都好好人俾半杯仔佢試,收佢十蚊. 蛇酒飲落去好純,味道比蛇宴啲濃好多.

今日可以咁不經意地食咗蛇羹,糯米飯,仲有蛇酒真係好滿足呀!! 今晚會唔會熱出汗呢???

2007-06-16 15:19:51 補充：
蛇王協-超正的蛇羹和生炒糯米飯大 Joe | 8th Jan 2007 | 飲飲食食 | (182 Reads) 經常逛鴨記的，一定不會不知蛇王協。店主周嘉玲更是靚女一名，有名的女蛇王。要數全港最好吃的蛇羹，我一定會選蛇王協，這裡的蛇羹無論用料和調味都是超一流的。但除蛇羹外，我更愛喝蛇龜湯，沒那麼滯。今天換完藍芽免提，便往蛇王協要了糯米飯和蛇龜湯。水牌寫著「減肥糯米飯」，原來只下小許臘肉，小蝦米，荵花，而且是落單才生炒的，炒出來粒粒圓渾，入口香噴噴，蝦米更令口感豐富，吃完不禁大讚無得彈。

2007-06-16 15:21:54 補充：
蛇王芬 女蛇王接管63年老字號 蛇汁浸雞 皮爽肉滑:蛇肉味鮮口感豐富:原來這都是為了保持出品的質素，每年蛇王芬都會設計一兩個新的蛇菜，同時也會刪減一些不太受歡迎的菜式，既能提供不同選擇，也能做到貴精不貴多。但說到「永不落牌」的名菜，當然要數「鮑魚燴五蛇羹」。蛇王芬地址：中環閣麟街30號地下電話：2543 1032營業時間：11:00am-10:30pm