恒生開戶口問題

1.佢話開戶要500蚊,咁呢500蚊可唔可以即刻囉番?
可以，不過唔係咁好囉﹗你第二日先攞好啲﹗同埋留少少錢喺戶口，例如$10，如果唔係，零結餘會自動消戶架﹗

2.佢話會有張alpha card,又話免年費,呢張卡係唔係只係可以15-18歲其間用?18歲之後係唔係會自動取消用唔到??如果唔想俾年費,係唔係要主動叫佢消??
張咭係15歲以上都可以申請 (其實就算大過18歲都可以申請架﹗)，18歲之後都用得。所以唔會自動消卡，如果到時你唔想要就同銀行講啦﹗
另外，alpha card唔係永久免年費架﹗張卡本身要收$50一年年費，但如果你喺申請張卡時，同時選擇用 e-Statement，會免你年費三年，之後會收費架﹗

3.呢個綜合戶口有冇存摺架?佢話會寄月結單黎,係指存款結餘既月結單?
綜合戶口係冇存摺架，每個月會寄月結單比你﹗不過如果你想響應環保，又或者唔想收實物月結單，你可以登記 e-Banking，經網上收e-Statement (e-Banking毋需額外收費)。

4.佢話如果你18歲之後仲讀緊書,佢話會俾你免年費至畢業後三年,咁我想問如果我仲讀緊書,我係唔係要18歲之後主動要求佢免年費?咁我點證明我仲讀緊書?俾我學校學生證佢?
其實無論你係咪仲讀緊書，恒生都會免月費到你21歲，優惠會自動有，唔駛特登講﹗不過你都要去銀行 update翻啲證件，所以喺你18歲後，要帶成人身份證去銀行辦理提升至成人綜合戶口手續，到時可以享用更支票戶口/股票戶口等服務。
另外，如果你仲讀緊書，恒生會再免你耐啲月費，直到你完成預科或大專畢業後頭三年。適用於所有本地18歲或以上全日制大專院校大專學生。學生須出示有效之學生證，方可享此優惠。

5.如果免年費完左,佢開始收年費,我係唔係可以轉用其他戶口,例如ATM戶口?
假如到真係要收年費 (即21歲後)，你keep唔到$100,000，咁你就取消戶口啦﹗學你話事解，開ATM儲蓄戶口囉﹗

2007-06-17 14:32:47 補充：
原來你之前都問咗個同樣問題﹗而家仲投票中。但係，係我答先架﹗佢哋抄我架﹗我先係原創﹗請查看時間我是：2007-06-16 17:16:58 他們是：2007-06-17 12:13:21 2007-06-17 12:28:11 請明察﹗

2007-06-18 00:49:35 補充：
多謝先!不過…，其實我沒有要檢舉他們的意思，我只是想自衛，驚你得到答案，而把這裏的問題close啫﹗回到問題：係呀，到你21歲，電腦就唔會再豁免你月費，會自動喺你戶口因應你戶口平均結餘收取月費。所以，如果到時你係大專生/大學生身份，記得到恒生補料喇﹗唔駛等21歲，攞咗學生證，就得架喇﹗(可參閱恒生網頁，了解大專/大學學府名單http://www.hangseng.com/c_deposit/integrated_account/details.html#spe_u18)至於係咪要每年報一次...。我印象中就應該唔洗，好似係識得計你畢業年份，自動免月費架。

2007-06-20 22:12:41 補充：
我 confirm 咗啦﹗可以好肯定的告訴你：唔駛年年 review 學生證架﹗會自動計你幾時畢業 3年架﹗希望幫到你啦﹗