救命!BB超扭計,怎辦?

其實你有無睇個bb係咪定時定候係度喊架.因為我個bb都係剛剛四個月,佢由大約未到滿月度,就成日都喊.但係早上又唔係點喊.但係由下午就開始.半夜仲喊得勁.我試過抱住佢訓,又試過買張bb小床放係我張床度.又試過同佢睇醫生.(一個月睇佐三次)..........之後有人話如果小b係定時定候係咁喊.就可能係肚風.咁我又試過同佢六雞蛋.之後都有好d.但係都係有喊.佢好鐘意半夜喊.我試過想抱佢入醫院....之後咁我再問醫生點算.個醫生好有心機咁同我睇一次.又同我傾下.又問佐我好多我點睇住bb架野.咁佢又要我出去買張bb椅.又要我咁咁咁.話bb遲d會好d.之後我又再返屋企試
之後我又 睇書.問人.原來bb三個月前係好得意.會同出面的世界有距離.會成日哭.唔太鐘意笑.但係當到佐三個月後.會好唔同.
咁我就用等的心情去面對.係會好好多.即係好似bb有病時哭.你都唔會好唔開心.因為等到bb無事時就會開心晒.
結果.到佐三個月.我的小b真係好唔一樣.越來越鐘意笑.玩.對我有表情.每日都好想同佢玩.我介紹你睇bb,mo這本書.就係這本書係我個仔二個月時剛剛有幾頁講bb100日
當中真係好似講緊自己,放心吧.只要bb睇過醫生話無事.小心d唔好比佢哭得太久.同埋小心耳仔唔好入水.就唔使太擔心.同埋試下上綱(bk)上面好多媽媽都經過你的階段.你會無咁辜獨架..我地會支持你..

首先,你要了解自己bb既喊聲,但係佢唔識講野架,淨係用喊聲黎表達架咋,肚餓,尿片濕,熱/凍既喊聲都唔一樣,你要細心甘留意下
另外,bb喊既時候,有冇以下邊1種反應??
1)有冇話邊個時間好準時甘喊
2)喊既時候佢隻腳仔有冇喊到屈到上肚仔度,谷到塊面紅晒??眼白藍唔藍?
3)除左你抱住佢之外,其他人抱佢既時候,佢係咪都係不停喊?唔可以放低佢?

我既意見:
係(1)的話:bb仔會有腸攪痛,醫生都解釋唔到架,不過到3個月大就會漸漸消失,容忍下吧!

係(2)的話:bb有肚風呀,但係你餵人奶,依個機會應該好小架,唔好比佢喊太多喇,喊得多會入晒風架,佢喊果陣試下拍下佢心口,搵d野引下佢....得閒就搓下佢肚仔(可以用驅風油,雞蛋去黃),掃多d風

係(3)的話:初生bb有樣野叫做【喊百籮】,都係解釋唔到架,佢係會喊足 100日,一夠一百日佢就會自動收聲

bb抱得太多縱慣左佢就會成日扭計,日夜甘抱住佢隻手有機會變成筋膜炎,到時隻手會用唔到力架,試下擺佢落bb床/搖椅度,如果真係要抱的話,不如用揹帶啦

圖片參考：http://hk.yimg.com/i/icon/16/35.gif