✔ 最佳答案
我兩科都有修過,純粹分享.
1. 難易度
難度呢D野,個個都唔同.不過,我可以分享下自己感受.
我個人覺得commerce難D,唔係話難學,而係難高分,難統一.
好多時答commerce 既題目,答案可以好模菱兩可.
另一個好著重的能力是記憶力,因為你要記point,之後答問題答point之餘,要俾例子,詳細解釋...
可以話係易學難精既一科.
會計就我比較喜歡的一科,好多人都話難學,開頭學,其實只要打好個底,根本一點都唔難.
打好基礎真係好重要!!!如果唔係,只會累積唔明既野,到時學其他topic會很混淆,亦都係好多人放棄的理由.
因為會計有一套自己的規則,你要答的答案方向很清晰.
2. 實用性
講實用,係呢個商業社會兩科都實用.
不過,商業就係大範圍D,似似地通識,實用性未必話你一學完就覺得有.但可以幫助你思維能力好D,培養你多角度思考.
而會計就精D專業D,出來社會考返D專業試,不愁沒工作.另外學account之後,你個人真係會細心左,呢個真係無騙你!!!因為CE同A-Level 既account都係考小心的考生,不是考叻的考生.
3.趣味性
講左甘多.都係講返自己的興趣.
我個人好鍾意會計,因為滿足甘真係好大同埋好有趣味性.
可以同同學在鬥快做數,因為自己小心做數拎到100分係好開心lor...
會計你有機會拎滿分,但commerce就無咩可能(有表達能力分).
account有人教會好好多,因為有D account concept要解釋好清楚你先會明白.
但commerce自己睇書都明lor...多D自己思考,find多D 例子,就好易明.
希望幫到你