有冇人可以救下我隻兔仔!!!!!!我好驚佢會死ar!!!!!!!!!!!!!thx!!!!!!!!!急急急!!!救命!!

你唔需要咁擔心住,佢有無趺倒過落地下,可能咁樣感到腳仔痛,所以攤唔到係道,你依家檢查下佢四肢,試下比佢跑下,走動下,照顧寵物要有好多耐性,咁嘅情況,你要盡量令佢開心,你話平嘅醫生我就無,如果係唔da症醫得好嘅都有~~咁嘅情況500元左右//

你冷靜D先, 你隻兔仔個樣好呆嘅意思係咪即係佢成日攤咗喺到唔多郁? 佢肯唔肯食野先, 如果你俾平時佢最鍾意食嘅野佢都唔食, 情願攤喺到唔郁, 咁佢就真係有問題喇, 但如果佢仲肯走過來食, 甚至識得企起身或走下跳下, 都應該無咩大問題.
仲有,兔仔震係正常bor, 因為佢地嘅心跳係好快嘅, 所以形成佢地外表成日喺度震咁囉, 不過如果你覺得佢震得唔尋常, 可能佢係嚇親或有D野令佢好緊張, 你可以輕輕摸佢頭仔, 等佢放鬆D, 睇下佢會唔會無咁震啦.
如果你都係覺得唔對路, 就要帶佢睇醫生, 一般獸醫睇普通病都要$200-$300, 愛護動物協會可能會平D, 你可以打電話問下(tel: 28020501), 不過呢D錢唔慳得, 你養得佢就要負責任, 唔好害咗一條小生命, 若然你係唔夠錢, 咪問屋企人借囉, 佢地唔會見死不救啩.


2007-06-17 14:53:23 補充：
佢仲識企, 即係無咩事啦, 佢唔郁可能係佢懶又或者太熱, 你屋企有無開冷氣? 就算無, 你都要開風扇俾佢, 佢日日著住件皮草, 其實真係好熱gar, 我隻兔兔都試過熱到呆咗, 但我一開冷氣, 佢就生猛番晒, 就算屋企無人, 我都會開風扇俾佢, 如果唔係, 我怕佢會熱死.你有無試過用食物引佢? 如果佢肯走來食, 即係無事囉.