00573 稻香控股有限公司

ok ar, 請看下列分析:
主營業務

集團為以旗下11 個品牌香港及華南地區經營42 家中式及7 間食肆，提供迎合不同顧客的各種中式菜式，集團主要客戶為零售客戶，集團99%收入來自飲食業務，集團42 間飲食業務包括：1.稻香海鮮火鍋酒家/稻香, 2.客家好棧, 3.迎囍大酒樓, 4.潮樓/潮館,5. 鍾菜, 6.港灣海鮮量販飯店, 7.上樓, 8.領鮮環求自助餐。除稻香海鮮火鍋酒家外，其餘飲食分店過去三年均錄得穩定增長。

集團自1991 年開業以來不斷擴張，其營業額由2004 年11.37 億元增至2006 年15.74 億元，複合年增長為17.7%，純利則由5,800 萬元增至06 年1.38 億元，複合年增長53.6%。集團毛利率遠較一般快餐店如大家樂及大快活為高，06 年達67%，相信是由於顧客平均消費較高所致，而員工成本及租金成本則佔總收入29%及6.7%，員工開支較快餐店為大。

前景展望，集團40%集資額將計劃每未來兩年內在香港每年開設3 家新食肆，而華南地區亦每年開設3 家食肆，其於香港及華南盈利增長速度與大快活相若，分店增長動力不算太高。不過，40%資金用作於東莞開設廠房，料產能可支援多達200 家規模相若食品加工程序，料成集團未來增長動力。

集團招股市盈率為歷史市盈率為15-20 倍，而大快活及大家樂06 年市盈率為18 倍及25 倍。雖然稻香規模較細，由於餐飲業務屬經常性消費開支，其過去業績表現穩定，建議認購。

我都同意樓上個位朋友的意見, 而家做飲食是非常困難
要應付租金和來貨的壓力, 其次競爭太多對手, 如香港話日本菜,
印度菜, 又話中東菜,市場不是一個集團所擁有, 消費者有權唔會來
消費, 尤其是個班年青人, 他們消費都去唱 k 或去食牛排

如果你想抽下新股, 但都不妨, 市場是好的話, 價位升少少, 咪出貨走人
這些股票是炒短線, 持有不適合

我覺得買唔過
先不說它會否在大陸大展拳腳, 係香港面對租金壓力, 食品來貨價上升, 呢兩樣已經係最大的問題
係大陸發展固然有好多商機, 始終香港業務係佔一大部份, 不能不考慮這個因素
另一方面一手1000股, 招股價最高3.2, 咁俾你升夠三成都係賺900, 扣左手續費就得番700, 但呢排都無乜新股可以升到三成咁多, 事前講話升兩三成都係老吹
加上下星期大把新股招股, 要抽大陸概念股, 下星期大把你揀

至於你真係想抽, 入5至10手係唔會太冒險, 佢一定最多俾一手你

買得過la梗係!
稻香一直以來的業績都好好, 可以話係香港相當標青的飲食股
而且, 佢亦都打算係內地積極開拓市場, 以佢係香港的品牌, 相宜的價錢, 對內地飲食市場的認識, 以及中國強勁的消費能力(佢地對飲食的要求越來越高), 佢的股票絕對會有上升的空間(而且係相當大)
加上大家樂亦會大量入股, 所以唔駛擔心有問題!
5至10手會否太冒險主要看番你手頭上的資金係唔係流動. 如果唔等用, 就絕對無問題la. 而且佢亦調低左每手為1000股, 所以金額唔算多.

我自己都會抽5手, 我覺得隻股係短或中炒都很有潛力ga
另外, 根據我學校的professor講, 佢話隻股頭第日可以升25-30%左右, 所以買得過!
(我係港大讀Finance)