請求白色波鞋反身法~!?

好似用牙膏同洗潔精洗刷都ok架喎..

如果你係花左, 就好難補救, 不過一對白鞋有d花左既紋, 有時都有另一種型格.
不過變黑就一定核突, 人地一睇就以為你唔注重呢方面,

要將鞋變白, 有一個最好既辦法!!! 用藍威寶, 噴o係毛巾再用小小力抺, 一定變白. 如果落太多起泡可以用濕毛巾輕輕抺走, 記住唔好直接噴對鞋, 最好拎起條鞋帶, 無謂一陣落太多條帶變左藍色.. 如果條帶本身都變左黑色, 可以換條新既, 你對鞋計埋花左既紋都會有八成新.
***(p.s. 如果你對係布鞋就千祈唔好試, 呢個方法係for 膠質)

最好唔好用白鞋油啦, 一來塗多層就唔好睇架啦, 好唔長久, 一黑就塗一黑就塗, 你好快睇對鞋唔順眼就買對新.

用火酒抺, 非常乾淨, 又唔洗過水, 就算唔係白色都可以抺, 藍威寶都得, 不過用完要再用清水抺.

第一, 買白色預左勁易污糟...SO每次着完後都最好用水OR清潔劑抺乾淨...
大間一點的鞋店都會有...百記同惠記都有得賣...