咁樣既感情.../0\(10分)

其實你唔洗咁自責, 愛情本身都唔可以話公平唔公平, 總有一方愛得比較多, 響你同你 ex 件事當中, 你明顯愛得比較多, 傷得深都正常, 放唔低都正常, 你現任 bf 明知係咁都仲等你, 為左唔阻你會考而甘心等你, 驚你放唔低而決定做住朋友先, 一切都反映佢愛你比你深, 已經唔可以話公平啦, 係咪?

其實你應該諗清楚自己想點, 多過諗公唔公平呢個問題, 試諗下, 你當日接受佢心意係出於咩野? 因為佢對你好而你又寂寞? 因為唔好意思再拒絕? 因為想再試被愛感覺? 你要搞清楚自己係咪真心鐘意佢, 而唔係諗公唔公平, 如果你唔鐘意佢, 繼續拖反而對佢仲唔公平, 佢知道會好傷心, 而且你都要諗下未來, 你地有冇未來? 佢入左男童院, 因咩事先? 呢件事會唔會影響你地? 等唔等, 希望你諗清楚. 如果唔知佢將來會點, 會唔會入獄等, 你又何苦要等呢? 你諗得好唔好等, 其實代表你已經唔想等了, 不是嗎? 你覺得等, 可能冇結果, 自己又唔知係唔係真心鐘意人, 驚浪費大家時間, 係咪?

等待係好折磨人, 我明白, 我自己都等待過, 你 bf 都等待過, 等既過程難免會動搖, 令人站得住的原因通常都係愛, 如果有愛, 等既時間難熬但快樂, 如果相反, 就覺得浪費時間, 你應該搞清楚自己既心意先再決定.

希望幫到你啦! 祝你早日有所決定.

如果係我 ~ 我會同他說: 你暫時未能接納他 ~ 只可以當他為最好的朋友 ...

第一 ~ 他現在沒有前景 ~ 你看不到將來 ~

第二 ~ 你還年輕, 將來還會有很多人出現, 你還有其他選擇 ~

第三 ~ 你對他的只是感動, 報恩 ~ 並不是真的喜歡他的為人, 品格 ~ 你只是一時孤獨 ... 而他又對你獻恩勤 ...

因為你不是真的愛他, 所以愈等愈心傷, 愈拍愈孤獨, ...

第四 ~ 他的將來還是一個迷 ... 他出來後會否繼續犯法!? 會否有人尋仇!? ...


對他說 ~ 一切暫停 ~ 待他出來後 ~ 來回正常人 ~ 有正常職業 ~ 而你又可以用多些時間觀察他 ~ 到時再作決定也不遲 ~

女人最怕嫁錯郎呀 ...

我覺得冇話等唔等既,大家咁後生.唔通會一世咩?
岩岩開始個陣,個個都係好sweet架啦!!

最important就係讀好書,你有條件.大把有錢仔,就算唔係有錢.
at least唔係搵個男仔個底花哂呀!?

妳人生咁長應該看遠一些，唔好比一件事困擾住自己，過去左既野只不過是人生既點綴，唔使咁執著既。去做返一d自己鍾意做既野，等唔係一個答案。要清楚每一件事。

不過真係奇.....你同佢拍緊拖, 佢做錯事, 有時唔見左, 你唔知架咩??!
你地唔係成日聯絡架?!?!? 佢入男童院一定攪左好耐, 好大陣夾仗先係架?!?!......

你個處境好危險, 佢入得男童院都唔係好人, 你依家話唔鍾意佢要同佢分手, 因住佢出返唻時搵你算帳!

我係你既話, 睇定d先, 講真, 依家你又唔係識左第2個唔想要佢, 我覺得你都冇錯姐, 始終唔知佢幾時出唻, 出左唻後又會唔會改, 同佢一齊好冇保障.

依一刻你都未出現更鍾意既人, 我覺得你應該放埋一邊, 搵下新既興趣, 同多d朋友去下剩, 睇多d書仲好啦.

到出現你更鍾意既人, 對方又有機會同你發展, 你一定要坦白同返你依家依個男朋友傾. 講出你心底感受. 如果佢真係錫你鍾意你的話, 一定會放你走.

唔好諗得咁悲, 冇人唔拍拖會死既. 唔好覺得孤獨囉, 你仲有屋企人, 你講依兩個字對你身邊既人好唔公平.

諗野成熟d啦, 唔好要人擔心, 仲有, 帶眼識人喇.