西九龍中心地下果層....究竟係...

2007-06-16 3:55 am

唔知大家記唔記得西九龍中心最下面果層....其實姐係入口,未上扶手電梯果一小部面積(隔離有間唔記得係零食物語定東海堂,大耐無去唔記得啦)係大概2~3年前果陣時係呢一層仲有條扶手梯落地庫(個位置就係正巴士站同零食物語中間,對正上上層既扶手梯,e家俾d廣告板圍住曬)以前下面係一個商場黎家!!叫咩-zone咁家,係地庫商場,個環境似蘋果商場,但係好靜...無咩鋪頭開檔,我同女友落過去行左轉...見無野行就走啦...之後大概一年半前再去...果度已經封曬....有無人知果度發生咩事???係咪有鬼@@...我記得果時去行個感覺都好古怪

回答 (1)

小kuku

2007-06-16 7:48 am

✔ 最佳答案

唔關鬼事,
係因為建築時已經話明最下面那層唔可以當商場用(因為suppose係car park來),
但係商場管理人照將佢轉為商場,
後尾政府知道, 咪迫佢封左佢囉~~~

參考: me

👍 1 👎 0