請問有冇人可以比個做浸浴的氣泡彈的配方我呀~

呢個係我搵到架~你可以睇睇^^
希望幫到你啦~

沐浴氣泡彈

近年大熱簕沐浴氣泡彈（Bath Bomb），原來都可以自製，而且要替它增添賣相，不一定要整色整水！檸檬酸與梳打粉互相產生簕二氧化碳，可形成氣泡，咁就毋須用上起泡劑咁唔環保。如果再心點花思，加入乾薰衣草，更可增添香氣，令人精神得到鬆弛。

材料：

檸檬酸 25克、梳打粉 50克、乾薰衣草少許、薰衣草香薰油 3滴、清水 10毫升、形狀膠模 1個、唧唧樽 1個

做法：

1.先將清水注入唧唧樽，再倒入薰衣草香薰油，使勁搖勻混合液，備用。

2.膠模內均勻地灑進乾薰衣草。

3.用手彡勻檸檬酸與梳打粉，再灑進乾薰衣草，然後逐少噴進混合液。

4.將材料填進膠模內，待涼15分鐘後起出，最後以乾毛巾蓋風乾12小時便成。

------------------------------------以下係其他DIY配方----------------------------------

蜜蠟潤唇膏

秋天漸近，氣候開始乾燥，小心雙唇爆裂、唇紋暴現嚇親隔籬！Bibe自製簕環保潤唇膏，用上多種天然物料，包括不經漂染、原色原味的蜜蠟，抗炎又滋潤；再加上能減少唇紋簕維他命E油、有助軟化死皮簕椰子油，既呵護雙唇，又愛護自然，一膏兩得，抵錫！

材料：

蜜蠟 1.5克、乳木果油脂 1/4茶匙、椰子油 7毫升、維他命E油 4滴、檸檬香薰油 2滴、蠟燭 1餅、玻璃杯 1個、唇膏模 1支

做法：

1.先將蜜蠟、乳木果油脂及椰子油注入玻璃杯，拌勻。

2.以蠟燭隔空熱融混合液約2分鐘，直至呈透明狀。

3.離火倒入維他命E油及檸檬香薰油。

4.趁熱將混合液注入唇膏模內，待涼約5分鐘，至凝固便成。

礦物泥面膜

有冇諗過女士們另一護膚恩物──面膜，一樣可以響應環保？Bibe呢個DIY面膜選用了天然礦物泥、植物水等材料，並向化學添加劑Say No，而且做法簡單，只需左撈右攪，即可做出無添加礦物泥Mask，保濕又環保！記住要即製即用，咁至夠Fresh！

材料：

礦物泥 2茶匙、玫瑰水 2茶匙、牛油果底油 1/4茶匙、甜橙香薰油 1滴

做法：

1.把玫瑰水及牛油果底油注入礦物泥，攪拌至糊狀。

2.滴進甜橙香薰油，再徹底拌勻便成。