救命！今日係屈臣氏畀MP17屈錢呀！

EPS的話已過錢啦！買時有無講過，敏感或效果唔好可以幾多日退還ｄ錢？

你向MP17投訴都無用，呢Ｄ係佢地的辦事手法＠＠我覺得你最好先去屈臣氏講話開左一支護膚品用後好敏感，成塊面紅哂！對成條LINE 的質素有疑點，要求全數退貨！！

屈臣氏應該會TRANSFER 返你個問題比MP17 D 人，佢地實話無得退！你話如果唔退去消費者委員會告佢，同埋記底邊個職員話唔比你退；佢地一聽到你話投訴及記底名，而且靠惡咁迫佢地退錢，照道理佢地都會退一步！

MP17 D SALES個個都好惡，又串，你同佢買貨佢就笑哂口；唔同佢買就黑哂面！我都試過你的經歷，但我係JOIN 佢的美容FACIAL COURSE；後尾唔JOIN 就黑臉！詳情我曾經有在此提過：
http://hk.knowledge.yahoo.com/question/?qid=7006122901219

唔買就唔買, 唔需要俾原因... 由得佢面黑囉... 我塊面仲可以黑過佢... 唔使唔好意思喎...
依家d sales 成日用人地同情心去昆人買嘢, 又話要交quota, 幫佢做份問卷... 又問你想唔想靚d... 多餘.. 咁問係人都話想啦... 跟住猛sell..................
最主要問題, 係自己度... 唔使怕話唔買唔好意思囉..... 唔買就唔買... 係呀, 我皮膚係唔好... 但都係唔買....; 係呀, 我想靚呀... 但都係唔買....; 係呀, d產品好似係work呀.. 你話囉.... 但都係唔買.......................唔需要..............

唔好再比MP17欺騙，有好多好似你呢D心軟的人比佢地騙。小心小心。

我前幾年都試過買MP17 d野,約六百幾蚊,佢d野真係唔好用 !!
記得之前係屈臣氏睇洗頭水,個sales 都會跟住我,我已當佢透明.其實萬寧有d分站都有sales 叫你買野,見呢d人見得多,你唔會再有反應. 我都試過很直接批評佢d野唔好用,其實費事同佢地嗌交.你搵個態度強硬d既人同你去退貨,成數可能高d.唔得你就當買教訓 !!

很想知道 ，信用卡在你的銀包裡，你不主動出來，邊個可以逼你？你情我願，唔好話人屈錢喇，你可以選擇走，佢唔俾你走，先至係屈！