村屋住幾樓好? 唔該幫幫手

住高d會好d..因為有時住低d果d人成日d蚊飛入黎..針死你..加上高d會安全d

地下勝在有花園, 可以「朗」衫, 養下狗仔, 同d fd BBQ, 而二樓有個露台仔, 可以放下雜物, 但面積同地下一樣咁細, 之於三樓連天台, 如果有簷薘的話, 以上好處皆可, 不過睇下你怕唔怕冷熱 (夏天熱, 冬天冷), 之於蛇蟲鼠蟻, 你咪睇少佢地, 邊層都有, 我有朋友住三樓咪一樣針到似豬頭......最好你就睇多幾間, 比較下, 有朋友親人陪同比下意見, 咁你就可以揾到安樂窩。

怕蚊針就種D 蚊怕草係屋企, 可以減低D蚊飛入屋

其實住邊一層好睇你自己喜歡咩嘢, 我依家住係村屋, 係二樓, 本來我都想租三樓的, 但租唔到, 當時只有地下和二樓俾我揀, 地下我覺得唔係咁好, 其他人已經講左了。所以我唯有租左二樓, 但住落先發覺二樓真係唔錯, 其實露台都可以擺下嘢。
三樓d人話真係好熱, 我冇住過俾唔到意思你, 但有個天台可以用都幾好的(當初我想租三樓就係因呢一點), 所以一句到尾, 最緊要係你自己想點? 喜歡住邊一層? (不過, 地下就真係莫諗了)

我覺得住地下都會多蛇虫鼠蟻而且私隱度5高,住近公路就千祈5好住地下tim ar~因為會又嘈又大(陳)...(下)天又潮濕ar, 如果住地下la, 就5好擺禁多木(家)(私), but 有前園lor~
住三樓落雨ding止會滲水ar, 正所謂日晒雨淋ar ma~(下)天包保熱死你, but 有天台lor~
更係中間最好la~雖則地方細d,但勝在好住ar ma~

我覺得住3樓最好因為3樓多數有天台...天台你自己得閑睇下風景都得又可以同埋d fd1齊燒下野食...落雨會滲水e d野你去睇樓果時應真少少睇下有冇d水積...如果有水積姐係好有可能有滲水...蛇虫鼠蟻你住得d村屋少少實有就算3樓都會有>____

當然二樓啦!地下蚊子很多，最正有蛇虫鼠蟻陪伴老鼠最愛打地洞。三樓未必滲水只係日曬時不用開焗爐也可焗“薑餅人”(如果係尖頂會好D，平頂火雞都熟)。