液體可否寄倉

自從執行了新措施後, 好多人都有誤會或者有時道聽途說而一知半解.

先談手提行李, 規定係針對100ml 或以上的容器, 即係話就每項單一容器而言, 無論有冇裝o野都唔可以超過 100 ml, 而檢查點係出境後, 進入禁區前的保安檢查區.

所以就算你個水樽冇水, 按新規定超過100ml容量的話都係唔可以過. 其實過o左保安檢查後, 你去買幾大枝水飲都冇人理會過問. 所以唔需要擔心因為新措施搞到冇水飲.

至於個人護理用品, 例如長途機必備的潤膚露, 甚至牙膏等, 就真係要乖乖o地聽話, 買細size的, 或者搵個100ml 以下的小樽裝起佢啦. 至於可重覆封口的透明膠袋, o係機場出境大堂係有得拎o既, 唔駛專登去買.

寄艙行李, 規定呢兩年都冇變過, 就係唔可以寄危險品, 壓縮氣體, 爆炸品等等, 至於容器同冇毒冇害的液體, 例如水, 洗頭水, 沐浴露等. 係冇限制的.

當然仍然要留意的是, 寄艙行李如果超重的話, 可能會俾航空公司收取附加費, 寄一大枝水, 如果漏水的話, 麻煩的都係自己. 其實而家出門好方便, 寄一大枝水真係冇乜意思, 至於洗頭水沐浴露之類, 搵多個膠袋入住先寄艙, 咁就唔駛驚漏啦. 我試過有個朋友o既澳洲帶蜜糖返o黎.....結果成個suitcase 都係蜜糖..........

液體如果想手提,就only can take max 100ml per樽, 要放喺透明袋.
而寄倉係only 限制危險品液體,如香水,可以寄但唔可以寄得多.
寄洗頭水,淋浴露or 水無限

其實液體既限制只限於手提行李
寄艙既物品並無限制ge

旅客攜帶液體新規定
http://www.hongkongairport.com/chi/tbu/security.htm

我剛去完出名嚴的英國，都無話唔得，拿了支成800ml的水寄倉都無問題。
每支液體唔過100ml只係適用於手提行李，自實施行李新規章以來，我都出了次門，次次我都帶大支水係寄倉行李，都無事喎。