點同隻鼠玩...

如果你隻鼠係好神經質既話,就唔好勉強佢咁多,唔係佢愈驚你愈會神經質.如果你一籠唔止一隻鼠,佢就更加會不安,因為鼠鼠係獨居動物唻既.

唔太打擾鼠鼠既情況下(如果日頭不斷要鼠鼠玩,對鼠鼠唻講,可能會太累,除非半夜同鼠鼠玩啦,就好d),你可以同鼠鼠做下以下事情:

a)放鼠鼠出唻行一陣
但一定要確保鼠鼠唔會走左去,又唔會有機會亂食野

b)買玩具俾鼠鼠玩
鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既.外國都有書本話呢個係危險玩具,不過我就唔記得本書名啦.

c)訓練鼠鼠
在籠外叫下鼠鼠,訓練鼠鼠一叫or一行過就鼠行埋唻,都可以訓練鼠鼠唔好咬籠,用廁所等,主要係同鼠鼠熟,熟左就好易從同一方法改變少少,令鼠鼠學識唔同既野,可以試下以下方法:
你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
等到你地熟d,好易會做到你一行過佢就行埋唻or冇咁驚你,之後你可以試下伸隻手入籠隻俾野佢食,再熟先抱佢啦,慢慢唻,俾d耐性.

d)可以俾野食俾鼠鼠
食野鼠鼠會好開心,有野食都可以好好玩,但記緊唔好亂俾野食俾鼠鼠食,唔係好易會令鼠鼠唔舒服,只係俾主糧既其中一粒俾鼠鼠,鼠鼠都好開心啦
要留意好多人既食物都係唔適合鼠鼠既,甚至蔬果我都覺得唔好,原因如下:
-好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.
-咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
-其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份,又或會對鼠鼠係太刺激食物等,食得唔健康好易病既.

唔要大隻既鼠就銀狐同小露寶都幾好,小露寶就最細同最快,較難抱,不過兩隻都好純.其實大隻既熊仔鼠就非常易處理,但就真係幾大隻

我想問下你果隻係咩鼠??MICKEY??....老鼠???............