可憐嘅狗狗 - Ans.fyi 參考答案

可憐嘅狗狗

2007-06-15 10:00 pm

我隻狗之前牛蜱熱,又曾經輸過血,之後再做絕育手術,(因蛋蛋脹大驚有古怪嘢!)由於年紀比較大,所以康復得慢D,但暫時都ok,不過問題再次出現,近兩日發覺佢蛋蛋有d脹大,所以我又再次同佢覆診,醫生話有機會係水腫,我又要求幫佢照X光,佢又話隻狗年紀都咁大,就算發現有其他問題都末必幫倒佢,我當然非常傷心又唔甘心,因為輸血前佢嘅PCV只得7度,差不多個幾月時間先比較好d,咁辛苦先救得返,但自己再細心諗會唔會係d血塊呢!可能醫院唔想話自己手術出錯,所以話我隻狗狗水腫,一陣又話可能係癌症,於是我轉診所,醫生一睇已經話係血塊,因狗狗本身PCV而家得25度,所以做手術會好危險,醫生又叫我常試用溫水暖吓個蛋蛋,希望可以令佢血液運行,唉!除咗呢個方法,唔知重有咩方法可以幫到我隻狗狗呢?(雖然都係佢間醫院救返我隻狗狗,但我真係非常失望,佢竟然為咗唔想承認自己醫院嘅醫生出錯,又話我隻狗狗可能水腫,又話可能癌症,重開d去水葯比狗狗食,攪到佢不停小便,原全冇d醫德.錢就識收.)

回答 (1)

iris

2007-06-16 12:54 am

✔ 最佳答案

你隻狗狗話晒仲生存緊, 重有希望吖! 我同我隻狗狗就冇咁好彩啦! 我隻狗狗死於獸醫0既誤診(雖然佢真正的死因係狗瘟, 但如果唔係嗰個黃綠醫生最初話佢係腸炎, 但醫咗個幾禮拜都唔好, 我懷疑係狗瘟, 叫個黃綠幫我隻狗狗驗, 一驗就發覺係狗瘟啦! 都唔知佢係醫生定我係醫生呀! 我到依家都認為係佢累死我隻狗狗架, 如果唔係佢, 我隻狗狗就唔會延醫啦).

你講得啱呀! 佢哋(獸醫)確實大部份都冇醫德, 兼且冇料到. 呢十幾年內, 我大大話已經轉咗超過十個獸醫, 都冇一個令我覺滿意同值得信任. 有時聽到某人話邊個好, 走去試吓啦, 結果都係失望而回. 諗諗吓, 覺得真係好唔公平, 醫生醫死人可以告佢醫療失當, 但獸醫醫死咗啲動物, 我哋啲狗主可以告邊個呀? 莫講話冇辦法告佢, 就算告得入又點? 我隻狗狗都冇得番生啦! 每次諗番起, 仍然覺得好心痛.

Sorry呀! 講咗咁大輪廢話, 都冇辦法幫到你隻狗狗, 希望佢吉人天相, 快啲好番啦! 你咁錫佢, 佢一定會努力對抗病魔0既, 你哋要加油呀! 我會為你哋祈禱架啦!

👍 0 👎 0