兩份工, 你簡邊份?

其實兩份工作都有優點，點解我咁講？第一份工聽落悶就悶的，好死板，但唔辛苦，準時返工，夠鐘就收工，工作又簡單，冇壓力，人都健康的．但前途，升職就唔好諗喇！而第二份好似有挑戰性，返工初時或者都感覺新鮮好玩，但妳又話，（呀頭有時都會同你講吓笑, 不過如果你做錯野或做得唔好, 佢就會鬧你, 有時都鬧得幾甘）做錯野邊個冇丫，講真．錯得幾次對自己工作又失信心喎，而要比人鬧，私人時間又少左，成日ＯＴ,錢多左優點在於此，辛苦好多，壓力好大，身體冇咁健康，如果妳當取工作經驗，做第一份工先，做得一兩年睇落好繼續做，到時想轉工再作打算．

2007-06-15 12:31:45 補充：
簡簡單單，求其三餐！

第２．．．．
ｂｅｃａｕｓｅ．．．冇甘克板．．．冇甘悶．．

我自己會選擇第二份工...
後生唔怕搏下囉...我搏到既就有機會升職加人工...但唔搏就一定冇機會...點解唔比自己一個機會呀???到真係搏到,你就會係人地個亞頭...你就會覺得之前搏係冇錯囉...
但如果你想平平淡淡咁樣過又冇咩風浪就做第一份囉....無驚無險又到收工...
年紀都係一個好重要既問題....年紀大就費事搏啦...做第2份工未必夠d後生爭...

我諗你咁問, 你都係比較年輕, 沒有太多既工作經驗,
我會建議你選擇第二份工, 原因:
1) 相信第一份工唔會學到d乜野
2) 若你在呢間工作好幾年後, 我諗你既工人亦差唔多, 可能比現在多1至2千蚊, 將來就好難獨立嫁勒
3) 第二份工應該學到好多唔同既野, 要知道, 學到既野係冇人可以拎走
4) 做錯事比上司罵都係好正常姐, 只要唔咪做岩又罵, 做錯又罵, 咁唔正就得啦
5) 無論你揀第一份工或者係第二份工, 我假設你做2年, 2年後轉工, 人地面試既時候問你: 你以前份工做d乜野, 你學到d乜, 咁你可以點樣答人呢

另外, 我相信你可以從第二份工既阿頭學到好多野,
因為平時有講有笑, 做錯時識得炳人, 先至係一個識得管人既上司,
同埋, 上司罵你都係唔想人闖喎, 比起比客罵, 好好多嫁勒

如果年青人當然選擇第二份啦！
如果你真的做第一份你做1至2年就會覺得好悶，到時咪又要轉工咪又係煩
如果選擇第二份可能1至2年後會覺得好累好多野做想轉工，但學到
可詳細說是什麼工作嗎？

睇下你係男定女，鐘意過咩生活啦～～

我係女性，一定會揀第一份：太辛苦對女性不是太好，有壓力，影響健康！更何況唔準時放工就難自我增值，但求穩定就會做呢份

男人的，建意做第二份，唔博點得世界財～～

30歲後 or 有小朋友選第一 份工; (原因 : 現實問題)

30歲前 or 無小朋友選第二份工. (原因 : 趁後生搏吓, 再大d體力問題 & 家庭責任搏唔倒)

要睇返你係後生仔女, 有無自己既仔女喎~
如果比我, 我會選擇第一份, 因我有小朋友, 我只想多d時間陪佢地, 同埋份工好似stable d, 同埋你都話一年都會加少少人工既~~~

各有各好，不過我會揀第二份工!因為有ot錢、有得升職加人工。做好D就唔會俾佢鬧