狗女絕育手術出意外點算?

嘩~~嗰獸醫好唔掂喎, 呢個手術佢哋幾乎日日做, 點會出意外架? 我諗就算追究責任(如果真係駁得唔好, 日後的醫藥費), 佢都未必肯賠. 不過touch wood 若你隻狗狗日後因呢嘢要睇醫生或再做手術, 你可以keep 住啲單據, 向小額錢債審裁署入稟追討, 上限係五仟蚊, 過咗呢個數, 小額錢債審裁署就唔受理架啦!

錢銀事少, 最慘係你隻狗狗呀! 我諗你要搵個有經驗又有醫德的醫生幫你隻狗狗檢查吓. 你可以試吓睇何文田勝利道的徐正雄醫生, 他的口碑幾好架, 個醫生同啲護士係燥火啲(因為太多症, 好忙), 但其實心地好好架, 而且個醫生的醫術真係掂喎. 早輪就係因為太多症睇唔切, 唔收新症呀(如個唔好, 就唔會有咁多客啦)! 不過近來收番啦! 你可以先打電話開吓咁0既情況應該點做, 然後再決定搵唔搵佢睇, 電話係 : 2711 8023.

希望你隻狗狗冇事啦.

P.S. 你隻狗狗喺邊間診所做手術架? 不如公開出嚟啦! 等其他狗主提防吓, 以免日後又有狗狗出現同類問題吖嘛.

你去追究個醫生都無用架喇~~佢都話已經幫你駁番.... 但係為左安全起見, 你都係去第2間信譽良好既醫生check多次安全d!!

但係呢d醫生真係好有問題... 呢d野完全唔應該會發生!!! 可以點告佢我就唔知... 但係為左其他狗狗著想, 將呢件事仔細話俾傳媒聽, such as 報紙or雜誌.... 等佢地將件事講出去!!