請問裝修是否會簽約?

係香港，口頭承諾亦都係合約既一種(就算你去街市買餸，交易既過程都可以理解為一簡單合約)
但係口頭承諾既問題係，當出現問題時，雙方舉證都會有困難(就算係錄音，都冇辦法證明裏面果個就係合約雙方)。所以當涉及重要事項又或者大額金錢時，書面合約會比較保障合約雙方。

咁你問得裝修要唔要簽約，咁應該係你自己搵人幫你裝修啦，咁份約佢自然會同你傾，訂金亦都係傾返黎，睇你既工程有幾繁複，要用幾耐時間，咁如果係長時間既，就睇下分幾多期，我公司之前就分四期，每期幾十萬咁(因為始終人地都要每日食飯，唔可能完工先收錢)。約就梗係開工買料之前簽啦，個師傅都要訂貨俾錢，所以通常都會要你俾埋訂金，但係如果要買既野好小兒科就梗係冇所謂啦。

如果你唔簽約，你俾左訂金，佢都可以話裝修工程只係包貼牆紙，其他唔包，你都冇佢乎(你都係蝕左訂金同時間，你可以搵過第二間)。如果佢唔簽約，佢做晒野，但係你唔俾錢，佢就重慘(唔止蝕時間，重要係全部既人工，伙記既人工)，佢一定會告到你傻，所以正常既裝修公司都一定會俾份約你簽(通常係之前傾好)。

如果約度冇寫到，要加項目就等如重新簽過一份合約，又係要雙方同意之下先得。

預防佢獅子開大口既方法就係格價，每單裝修工程你都可以搵師傅上黎免費報價，佢地會樂意上去你度睇(你驚既話可以問下佢上黎報價會唔會收錢，會既話就係我有生以來聽既第一個)。裝修工程中個客最驚既係佢做做下唔做，咁呢樣就真係要係份約度寫明，幾時個工程去到邊個程度，幾時要交貨，交唔到貨要唔要賠錢(咁我公司係做生意，租金人工都要錢，唔能夠如期交吉可以罰間裝修公司每日一萬蚊)，佢唔賠你就可以告佢。咁如果佢一簽左又收左訂金，份約就生效，你楂住份約就可以保障到你。咁佢就最驚你唔俾錢，如果佢如期交吉，又冇乜問題(例如漏水，牆紙剝落)既話，你又唔俾錢，佢就可以告你。


香港法律入面既合約精神就係要公平，如果某方例出一D 無理條款，法庭可以頒令合約無效。

一定要。~~~