同第一次拍拖既男仔一齊，係咪多數都唔會有好結果呢？

其實都唔關第一次拍拖事.一個人懂唔懂得珍惜都係要睇下個男仔心智成唔成熟,
同佢對拍拖既重視程度.有D人一世都唔需要拍拖,所以有無都得.有D渴女既你比
佢拍一次拖就一世都唔放手.正所謂"久旱逢甘露"嘛!唔一定無好結果既.不過就
比較辛苦D囉!因為個男仔對拍拖咩都唔識.睇黎你就無乜信心喇!如果真係鍾意既
就比D耐性la.努力啊!

ps.內容可能粗俗少少唔好介意.其實我都係30歲.不過拍過二十幾次拖.希望幫到你la.

兩個人一齊...幾多歲都好...最緊要坦誠!!
咩都要講...中意又講唔中意既更應該講出黎...
佢禁粗枝大葉 禁唔細心為你切想...你就更加應該表達自己!!
如果你覺得好累既...咪同佢鬧下交囉...一次過講哂不滿...
不過鬧個小交好laaa....等佢自己思考下 and 更著緊你...
唔好鬧大交呀~ =) good luck*

** 答返你個問題...同第一次拍拖既男仔一齊，係咪多數都唔會有好結果呢？
係....因為第一次拍拖男多數唔識企o係女戈邊思考...(only 個人經歷)

不過如果你真係好中意既...就要好好珍惜 , 多d表達自己啦~

我對你個問題好有興趣,因我現在已經結咗婚,而我老公嘅初戀就係我,我自己就拍過多次...
我本人就覺得依d係個人的性格問題,我好好彩,因為我老公係細心型,開頭佢有咩做得唔好,我會直接同佢講,佢就改囉,點都好啦~係一齊就要坦白d嘛,我又唔鍾意收埋d野唔講喎...,同埋你選擇咗佢,就要接受佢任何好同壞嘛,佢話你肥,你可以當佢講笑,但如果佢係好認真,就都可以諗下佢比嘅意見嘛,唔好咁易放棄呀,好男人真係唔多嫁...
我話你知,我20歲識佢,佢大我1歲都無,我哋拍咗8個月就話結婚,只係想結婚就去結囉,現在我都27歲啦~仲有個大仔,個肚都仲有個,我現時過得好好...

都唔一定o既~ 我身邊有對 suntie 同 uncle 佢o地兩夫婦係初戀就拍拖到結婚~ 而家結左婚差唔多20年都好恩愛~ 成日都仲會互相諗方法氹下大家~ 有時仲會問下我o地o的後生o既意見添~ 至於男仔係咪要失過戀，先至識得珍惜？呢個問題就真係唔知~ 不過依你o既case你男朋友都30歲先第一次拍拖~ 可能因為咁o既原因佢會更加錫你珍惜你呢~ 俾o的信心啦~ 祝你幸福

我個人認為,有d男仔係要失過戀,先至識得珍惜,有d就係失幾多次戀都唔會珍惜!!
我反而覺得你幾lucky bo,你男朋友30歲先拍拖,姐係你係佢初戀情人啦,我認為佢會好好珍惜你,而且我覺得,就係因為佢第一次拍拖,佢更加會care你同愛你,而且佢30歲人,佢d fd都唔會第一次先拍拖卦,佢見左咁多離離合合,佢會諗清諗楚應該點做,同埋佢都想你開心嫁ma,佢會對你好好嫁,應該...有d人愈大個先拍拖,佢更加明白咩叫愛情,一個30歲的人我諗佢都唔會攞愛情呢樣野黎玩嫁,,

有無好結果都好啦,我認為未拍拖就諗呢個問題係好蠢嫁,所以唔好亂諗野呀!!
好好愛佢,,,
只要大家都坦坦白白,有事都同對方傾下,最緊要忍讓同互相了解,
咁先最重要呀!!

戀愛係give&take嘅遊戲
大家懂得珍惜,才會有好結果