關於係澳門過錢過香港匯豐銀行 ''

前幾天曾經回答過類似問題，被選為最佳解答之後，即被另一位回答者質疑（以負評方式），該位網友表示在澳門匯豐銀行可以免手續費”入數”到香港匯豐銀行（佢話打電話問過）．

為咗呢個疑問，我真係打電話去澳門匯豐銀行求證，職員回覆：

澳門匯豐銀行冇辦法”入數”去香港匯豐銀行，因為電腦唔連線，只可以匯款．

匯款手續費：匯款額嘅0.1%（最低消費$100，即是匯款十萬元以下收費$100），另加電報費$100，即是合計$200（有戶口計，如果冇戶口，仲要再貴D）．

如果去大豐銀行／永亨銀行做匯款，收費$100（有戶口響嗰間銀行計），唔知匯業會唔會平D（印象中係一樣，收$100），但係如果只係匯兩佰幾蚊，就好唔化算．
除咗匯款，仲有另外一個方法，係買匯票（手續費$30~$50），然後攞住張匯票寄去香港，俾對方去銀行攞錢（佢等於攞住張本票，去銀行攞錢可以馬上兌現，唔會有問題，亦唔需要俾費用）．不過就千祈唔好寄澳門銀行支票去俾對方啦，因為香港銀行會收對方$100手續費，你實俾人鬧．

香港與澳門之間係唔可以做戶口或 ATM 過數的. 尤其是你仲冇用一銀行戶口 tim. 如果你想比錢某個香港戶口, 你只可以做電匯. 英文叫 T T. 各大銀行都有得做 ka la. 不過要收手績費 ka. 間間銀行收費唔同. 但一般起碼都收 $100 - $200 不等.