倉鼠ge一d問題""""?

倉鼠屬於齧齒目動物,牙齒會不斷生長既,如果唔磨牙,就會令牙齒過長,太長會令鼠鼠食唔到野,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦

建議你唔好俾用玻璃做既食物盆or玩具等用品,咁係好危險既,鼠鼠好易咬到爛而食左玻璃入肚.

你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚.

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制既野係最好既.

專整俾鼠鼠咬既磨牙石係針對鼠鼠磨牙問題而設,所以我覺得係比較好既.

有d人會建議俾木筷子俾鼠鼠咬,但我就覺得唔好,一來會有刺,二來易令鼠鼠想塞入腮,咁就易整親個腮啦.

2007-06-14 15:12:18 補充：
如果俾廁紙筒就要小心,確定鼠鼠身體唔會入到去卡住,因為你諗住係用唻俾鼠鼠磨牙,但鼠鼠未必咁覺得,鼠鼠可能會想穿過d管道,如果隻鼠比較大,就要留意會唔會有機會卡住在內啦

2007-06-14 23:19:55 補充：
其實重覆做一樣野都唔等於一定係有情緒問題鼠鼠一緊張就會行唻行去or大叫,但咁都唔係一定有問題,可能係有第隻鼠or有人or有聲令佢有壓力,鼠鼠好細膽,一受驚就會咁架啦,當然咁樣對鼠鼠身體唻講係唔好啦,但唔好以為咁就係空間問題,要多留意周遭一切原因先得.當然,空間不足會令鼠鼠有壓力or活動不足,但其實機會係比以上可能細既(但都有可能架),有人既地方唔多唔少都會有聲,都會易令鼠鼠受驚,所以發生既機會率會比較大一個籠只放一隻鼠,有轉輪,唔會迫實晒咁,其實都ok了.但咁緊係愈大愈好,邊個唔想住大d呢?

咪住先,你個食物兜係咪真係玻璃黎嫁先,定係係陶瓷黎既呢?
如果真係玻璃黎既話最好就換左佢喇!
佢咬會唔會係因為你冇定時餵野食俾佢呢?
我個隻就會咬籠喇!
咁你又有冇俾磨牙可或者硬物佢{地}食呢?
咁佢又有冇咬其仔地方啊?
如果冇,咁佢應該係肚餓喇,或者冇水飲.

倉鼠咬東西是正常的本能。你有給牠足夠的玩具嗎，例：轉輪(最好選擇沒有鐵絲的那種，因有機會夾傷牠的足部)、磨牙石或蘋果磨牙木；還有很重要的活動空間，很多人誤會這麼少的倉鼠不用給牠太多空間，如果你長時間都放牠於這麼窄小的空間又很少抱牠，時間一長牠就會不自然地不停從覆同一動作，這都會是情緒上的問題。要小心啊

佢唔係情緒有問題
我屋企隻倉鼠都好鐘意咬野
其實佢只係想磨牙,佢地d牙唔磨就會長
長就會整親自己架喇
你可以買舊磨牙石比佢
如果你唔想買可以試下比d用完ge廁紙筒
既可廢物利用,又可以比隻鼠仔磨牙

倉鼠係咁架好鍾意咬野
你有冇買一ｄ磨牙石比佢地呀?
如果冇就買比佢地啦~都好平架咋~