選購相機防震與鏡頭防震一問 ? 20分題

這是個令攝影發燒友經常開火的問題,各有各的支持者,從技術上角度來看,其實也各有優缺點.
支持鏡身防震的說鏡身防震效果較好.支持機身防震的說沒有分別,這其實很難驗證的,甚小人會同時有兩個系統,一次半次的試用因為始終唔係自己用慣既相機,也沒有甚麼代表性的.
姑且從數據去討論,一般防震機身或鏡頭都聲稱可以有三級快門的防震效果,但現在己開始越來越多鏡頭有四級防震,而且鏡頭防震有即時效果,觀景窗內景物會比較穏定,特別是長焦距時,比起機身防震對構圖上較有利.一些長焦距貴價鏡都設有pan mode方便用搖鏡拍攝,這是機身防震所沒有的,鏡頭防震的主要缺點除了價格高昂之外,鏡頭的選擇也比較小.一個焦段可能只有一至兩支鏡頭可選.
至於機身防震最優勝當然係不需額外投資在鏡頭上,而且一些規格古古怪怪的鏡頭也可以有防震.例如18-50mm f2.8 Nikon就冇, 18-200mm Canon又冇,微距只有Nikon有105mm,但係機身防震就可以乜焦距都有.
長遠來講邊種好真係好難講,因為有太多因素,或者突然有一日機身防震可以去到四級,或者Canon,Nikon突然發表防震機身,或者出防震機身的都執晒笠,太多或者了.
結論係都係睇翻錢,如果預算不是問題,鏡身防震已有的型號都應該照顧到所有拍攝題材的.亦係大廠出品,支援較好.
如果冇話要玩到好專業,機身防震實在係經濟實惠既選擇,效果其實也絶對不錯.

2007-06-16 17:38:16 補充：
很高興意見對你有用

可以來個對比：-

機身防震：
(暫時有提供既大牌子有Pentax, Olympus)

優：
1. 便宜，一機防震，理論上所用鏡頭都有防震

劣：
1. 比較傷CCD，
因為機身防震多數係CCD 移動而達成，
但CCD 係精密電子儀器，
長期擺動始終會有損耗或過熱
2. 100mm 以上防震效果變差

========================================

鏡頭防震：
(Canon, Nikon, Panasonic, Sigma 等大廠都有)

優：
1. 防震效果顯著，
由於防震系統針對特定焦段，
所以由18mm 鏡頭到400mm 鏡頭都可提供3- 4 級防震
2. 由於光一進入鏡頭已修正震動，
所以可在觀景器中看到防震效果

劣：
1. 防震鏡頭較貴

========================================

總結：
機身防震 - 資金不足可以考慮
鏡頭防震 - 資金充裕不二之選

2007-06-15 00:51:27 補充：
當然，而家既Pentax 旗艦DSLR，佢既機身防震o係短焦距上已經可以達到四級防震=]

2007-06-15 12:28:02 補充：
其實DSLR 仲要考慮其他野既.....睇番樓主既問題，應該係而家買第一部DSLRDSLR 唔同DC，買左一部(or 一個brand) 等於要買起成個system (鏡、閃燈......)，如果只係針對防震一個問題，到時可能會後悔ga應該要再考慮埋佢各方面既支援(種類及價錢)：相機配件(e.g. 直度手柄)、鏡頭、鏡頭配件(e.g. 增距鏡)、閃燈.............同埋好緊要......睇下d 朋友用開邊個system.....可以交換鏡頭玩ma........Happy shooting=]

應選有防手震的相機，配合一般鏡頭較為明智，原因有二 ：
1 因相機的型號出得較鏡頭快，所以相機廠用的防手震系統較鏡頭的為先進。
2 防震鏡頭比較貴和型號選擇少，副廠的也不多，再者因為不單用一支鏡頭，買多一支便 即係要給多一份防震的價錢，不合化算。