更新1:
我屋企人個個都好鍚佢，當佢係屋企既一份子，如果我同佢分開，屋企人會好唔開心，我唔想比屋企人知道佢咁對我，知道佢係衰人，尤其係我媽咪，佢知道會好傷心!
可唔可以比我大喊一埸
2007-06-14 10:23 pm
你地可以聽一聽我個故事嘛??如果可以請大家比d意見我，我都唔知可以點。我同我未婚夫拍左拖10年，同居左9年，係頭果幾年大家都好開心，大家都唸住盡快儲錢結婚，因為佢係住係我屋企，始終覺得唔方便。不過係3年前，佢因為工作唔開心，同d朋友去酒bar識左1個女仔，其實係3年前我已經知道有哩個女仔，不過當時只係見到通話記錄佢地日日都會傾電話，佢話大家只係朋友，我就無再追究。但係哩3年裡面，佢對我差左好多，好多時都搵借口唔返屋企，到左今年1月，我無意之中發現到佢有另一部電話，重有好多肉麻既sms係由一個叫老婆既人send比佢。原來-----"老婆"就係3年前同一個女仔，我好傷心，佢既反應都好緊張，叫我比一次機會佢，佢地已經無聯絡好耐(當然我唔信啦)，佢重同我求婚，最後因為放唔低，我應承左。我地已經擇左日子，訂左酒席，book左影婚紗相，通知左朋友同親戚，點知今日朝早，我再發現到佢又有另一部電話，佢同個女仔重有聯絡，sms內容都係好肉麻，我可以點???同屋企講我唔嫁? 我好愛佢，大家可以比意見我嘛!!! thanks!!!
回答 (10)
2007-06-15 1:53 am
✔ 最佳答案
首先我替妳不值，和男朋友一起已經10年，但以往三年都一路瞞住妳和別的女仔來往甚密，我猜想他們的關係非比尋常，如果你心甘情願嫁俾一個欺騙妳的人，可能第時妳會後悔，因為他既然和妳拍拖時都講大話，將來結了婚也有可能會再欺騙妳。等我將我的經驗說給妳知，我和丈夫結婚前拍了五年拖(但最後的兩年，我開始懷疑他為甚麼成日上大陸，晚上電話又唔通，點知佢欺騙我話冇野，但原來暗地裡日日同個女仔傾電話，一個月上去一或兩次大陸同個女仔見面和親密，後來我和他說覺得大家好似陌生左些，而且性事又少了，他便向我求婚，我那時好開心應承嫁了給他，點知結左緍之後，他還成日講大話和找藉口要見個女仔，他足足欺騙了我四年幾，我丈夫以前每晚同個女仔傾電話，結左婚就改為每日放工回家前打電話俾她，有時佢和大陸女仔親熱後便回來和我親熱，真是想起也嘔心，我是半年前才發現的---------
如果我當初知道個男朋友係咁，就算去到註冊日那朝才知道，我都一定唔會嫁俾佢，我現
在十分後悔為甚麼婚前沒有看清楚他是否有第三者，我覺得自已的身體也被丈夫和那女人污染了，就連我將快出生的bb也是無辜的犠性品。
要唔要嫁妳自已做決定，不過我也明白愛一個人有時很難抽身，但如果個女仔一日未攪妥，將個女仔帶到來你們的婚姻，你們必得不到一個美滿和幸福的marriage。
話晒結婚一生人一次，最好雙方都是真心真意沒有虛假的情況下結合，否則會讓成離婚收場，咁就不如不結也吧。
可能我的經歷太差了，請不要受我影響，只供妳參考，我也希望妳和男朋友可解決一切困難而步入人生另一階段。
祝盡早解決事情
[email protected]
2007-06-16 10:44 am
記著, 一次不忠, 百次不容. 他也拿不出決心跟那個她分開. 所以你根本分辨不出他對你是一種愛情抑或一種已習慣的相處. 再跟他行下去, 你可以再甘心受騙嗎. 朋友, 我雖不懂你, 但我絕對明白你現在的痛. 我只看得見你如果再跟他行下去, 痛苦的只有你一人, 因他可以享齊人之福, 而你只會留在家等他回來的孤獨人.
請三思.
珍重
請三思.
珍重
2007-06-15 6:19 pm
結婚是長遠的事, 首先要清楚大家是否愛對方, 願意彼此信任及一同創造未來, 如何只是為了名份及家人的看法, 那就一定會後悔. 一定要考慮清楚, 你是否仍愛對方, 男方又是否願意忠心, 如果要考慮的話, 就寧願達成共適後才決定下一步, 千萬不要因結婚而結婚.
2007-06-15 4:31 am
如果你可以同佢咁樣一生gei話你就去結婚la,你一定要有心理準備佢就算同呢個分開咗,都會同第二個一齊,唔好因為你屋企人傷心就唔同佢分手,因為他日佢地知道你因為咁而結婚會仲傷心,我同老公結婚時我都仲係第3者,佢一直都唔想放低佢女朋友,唔係因為我有咗bb佢都唔會娶我la,男人就係咁,由我懂事至今時今日,眼見咁多pair,就算今日好幸福都曾經有問題要面臨分手,蘋果日報係舊年報導都話中大做調查全港有42萬人係過去6個月內曾經嫖妓,平均10人中最小有一人經常去滾,你話係咪應該要睇開d呢?
參考: 過來人
2007-06-14 10:57 pm
我係男仔,妳都係同佢分手吧!
10年係好長時間,但請妳冷靜去睇,佢個心一早已經唔喺妳度,結婚後一定會千方百計,用不同的謊話和藉口,繼續聯絡嗰個女仔
妳做錯了,爲何接受佢求婚?太軟弱啦,同佢結婚佢都唔會改變,現在仲未遲,冇呢個男人唔使死,仲有大把妳揀,努力呀!
10年係好長時間,但請妳冷靜去睇,佢個心一早已經唔喺妳度,結婚後一定會千方百計,用不同的謊話和藉口,繼續聯絡嗰個女仔
妳做錯了,爲何接受佢求婚?太軟弱啦,同佢結婚佢都唔會改變,現在仲未遲,冇呢個男人唔使死,仲有大把妳揀,努力呀!
2007-06-14 10:53 pm
你地已一齊左功多年, 理論上同已婚亳無分別, 你可選擇嫁佢先, 起碼都得到個名份, 雖然佢個心已分左比人, 但女人係功既心態, 你結左婚起碼你係佢太太, 將來離婚都係因為佢做錯, 後果由佢自己負責, 而你現在應扮唔知, 心情要好開心, 扮天真, 係佢面前扮無知, 聽佢意見, 表現到無左佢唔得, 同佢做時要好 enjoy和同佢講無左佢唔得, 你千奇唔好再同第2個女仔發生關係(扮喊樣), 我已係你老婆, 我咩都比晒你啦
男人係心軟既動物, 你要用軟功, 同佢日日做, 表現到無佢唔得, 等佢無興趣同個女人做嗎, 最好你去買d 性感內衣, 引誘佢, 扮野同佢講唔知點解唔開心, 飲酒呀, 喊呀等
另一方面, 你靜地地可能的話, 記低個女人既電話, 然後, 你有時間(當然唔好比你老公發現要肯定你老公唔係佢身邊先做), 打 133 + 個女人既電話, 因無來電顯示, 揾自己既朋友幫手打同個女人講 "八婆, 人地有老公架, 你唔好再攪佢, 等佢知驚"
所以你先同佢結婚, 先可以有名份同個女人爭
男人係心軟既動物, 你要用軟功, 同佢日日做, 表現到無佢唔得, 等佢無興趣同個女人做嗎, 最好你去買d 性感內衣, 引誘佢, 扮野同佢講唔知點解唔開心, 飲酒呀, 喊呀等
另一方面, 你靜地地可能的話, 記低個女人既電話, 然後, 你有時間(當然唔好比你老公發現要肯定你老公唔係佢身邊先做), 打 133 + 個女人既電話, 因無來電顯示, 揾自己既朋友幫手打同個女人講 "八婆, 人地有老公架, 你唔好再攪佢, 等佢知驚"
所以你先同佢結婚, 先可以有名份同個女人爭
2007-06-14 10:49 pm
寧教人打仔，莫教人分妻... 不過，你未係佢老婆，呢 D 花心蘿蔔大話精，唔要都罷啦！勸你及早回頭，咪鬼 Show 佢，以免他日結婚之後，傷害更深，害埋下一代。今時今日，離婚都好平常，悔婚有咩問題？如果你怕人笑而同佢結婚，將來你盞對著自己喊。做個聰明人啦唔該，你係愛佢的話，就成全佢同佢「老婆」啦，轉個角度去睇，可能人地眼中，你先至係第三者。
如果本人言論冒犯了閣下，在此致歉，對不起。不過我覺得有這個必要，點醒你。
如果本人言論冒犯了閣下，在此致歉，對不起。不過我覺得有這個必要，點醒你。
2007-06-14 10:46 pm
你有冇試過打俾果個女人呀??客觀立場一定係叫你唔好同佢一齊, 兩個人相處, 而佢可以一次又一次咁對你, 你有幾愛呢個男人都冇用啦! 一次不忠, 百次不容... 結咗婚佢如果都係一樣呾點呀!??? 基本上冇人可以話俾你知你可以點, 最重要睇你自己, 如果你有信心佢會放棄果個, 你再想吧, 根據你的資料你知道佢有第二個, 你仲答應同佢結婚咁你要看看嘞!
2007-06-14 14:47:28 補充：
呾=咁, sorry,.....
2007-06-14 14:47:28 補充：
呾=咁, sorry,.....
2007-06-14 10:30 pm
幾中都唔嫁啦
佢咁下賤,,,我就一定唔簡佢,,
佢騙你咁多次,,仲要次次都係咁
做女仔冇可能認同到lo
等如一個男仔條女出面有第2條仔
我諗冇人會想lo
香港咁多男仔...比心機
第2個la,,,
佢咁下賤,,,我就一定唔簡佢,,
佢騙你咁多次,,仲要次次都係咁
做女仔冇可能認同到lo
等如一個男仔條女出面有第2條仔
我諗冇人會想lo
香港咁多男仔...比心機
第2個la,,,
參考: 自己
收錄日期: 2021-04-23 22:07:37
原文連結 [永久失效]:
https://hk.answers.yahoo.com/question/index?qid=20070614000051KK01861