PROJECT ASSISTANT 即係點... 有咩career prospect?

因為唔知你間係咩公司, 好難講. 但以正常黎講, 希望下面d point 可以幫到你:

1. 提防有d公司會以project assistant, management trainee, marketing executive為名, 請sales為實. 因為市面上較難請sales, 好多公司會用唔同牌頭請人, 之後話先要膫解公司運作, 熟悉市場等理由, 要員工做sales, 中小企特多呢d case, 小心小心...

2. 如果係真正的business project assistant, 好多時都係一個ad hoc打雜, 即係無特定job duty, 邊度唔夠人就去邊度, 好處係真正知道公司做緊乜, 壞處係, 除非你得到老細歡心, 唔係的話呢個係一個裁員高危位

3. 留意公司管理層的架構, 權力分佈等. 冇錯, 你個位的確有機會上管理層, 但係好視乎公司. 例如如果你發現間公司係家族經營, 或者係管理職位有限, 相對你發展機會亦會受限.

4. 如果咁啱要跟老細, 要準備比人當阿四(即係personal assistant)咁駛, 做好多同公司唔related的事.

5. career path方面, 要睇番你係做專責事項定乜都做. 如果有專責事項會好d, 因為總叫一技之長. 相反, 如果係做大雜而且間公司冇發展, 早走早著. 再發展可以係project manager or management supervisor 咁上下.