請問：個缸放舊大沉木（有魚絲綁幾棵水草），D水變瀆…

係街買o的沉木係唔可以就咁放落缸架 , 由其係有水草o個o的添 , 舊沉木跟本就無洗過 , 就咁加幾條水草就賣到成百蚊 , 有無攪錯。
新沉木係要用熱水沈返幾日 , 落藥消毒同等佢退哂o的色先可以落缸架 , 唔係就好似你咁水黃死魚 , 一換水又起泡。新手必定中蕉架。
下次要玩o的咁o既野啦 , 我教你自已整啦 , 又平又靚又合心水。去旺角魚街 , 好多鋪頭門口都有o你沉木買 , $10- 50 到啦 , 搵到合心水形狀同 size 先買 , 返到屋企用熱水沈 , 幾個鐘換一次熱水 , 越熱越好 , 兩日到後就落藥或者用鹽沉多日。有人會煲下舊沉木 , 乜細菌乜色都會無哂。之後去魚街買包鐵皇冠或者水溶o個類陰性草 , 返屋企自已用魚絲綁 , 想點整都得啦。計下條數 , 頂多 $60。

如果你係用 AA o的套缸 , 養你依家講o既魚呢 , 應該係唔洗用氣泵o既 , 有當然好o的啦。

水面起泡唔係等如水質差 , 只係唔夠硝化細菌同新水o既問題 , 我估你應該係換o左好多水同換o左濾水器入面o的棉。下次唔好兩樣野一齊做呀 , 要換棉都都先用缸入面o的水洗洗先好換落濾水器。

孔雀母魚通常個肚都會好大 , 都唔知點解架.....成日都大肚 , 一個星期生一次......

沉木買返屋企，一般都要浸一排－－呢個一排係以日甚至星期計。因為沉木會脫色，但呢ｄ啡色其實唔會對魚有害，可以用活性碳吸走。但浸舊木其實仲可以等木上o既污物沖走。你，有冇浸？
水面有泡，可以係水質差左，要換水，但三份一至一半已經得。木如果冇浸過，放入水自然會迫到木中o既空氣走出o黎，有氣泡好正常。
套缸一般都係用頂濾，十幾條細魚都尚且ok，但耐左多左魚通常都唔夠用架啦。呢個係套缸o既死症，一係你就o係頂蓋上開窿入濾桶喉。
水流慢？你想幾快？你養o既魚都唔係鍾意水流急架喎，打風咁你估ｄ孔雀游唔游得郁？要做水流的話，氣泵只係少幫助，應該用潛水泵，用吸盤吸住缸邊就得，好多仲可以調校水流速度。但你咁問係咪即係你冇氣泵？兄弟，家陣天口熱，水溶氧量低，唔夠氧氣會死魚架喎。
魚身瘦長，顏色較暗o個ｄ係乜野魚先？多數魚都係公鮮色ｄ。想大肚生魚仔，等孔雀啦。

不足夠，要加汽汞。