高架天橋怎樣起

高架橋有兩大類, 預製或實地做. 你提到用組件; 我相信你係指預製方式. 預製 (pre-cast); 成條橋都係由預製件組成, 除橋蠆外. 整條橋嘅橋面都預先喺工廠預先製造, 安裝時就好似串銖仔咁; 由橋蠆開始; 一節節吊到半空, 然後用高拉力鋼纜(high tensile cable)將佢地串成, 由一個橋蠆串到另外一個橋蠆, 當兩段橋面响橋蠆相接時就會做一個 diaphragm 將兩段接口落一次大石屎將佢連接.

預製組件冇你想像中咁重, 因內部係空心.

預製高架橋嘅好處係省時間, 因為所有組件都係喺工廠預造, 地盤只係做串銖仔嘅工作. 另外預製橋嘅施工用嘅地方比較少, 對地面環境影響亦比較少, 通常預製橋多用於交通繁忙嘅地方同埋跨海橋, 因為跨海橋冇理由响水面上搭棚架.