急問: 懷疑冷氣機下的外牆滲水, 如何處理?

我唔清楚你住係邊？住緊什麼樓宇？但以我做物業管理咁多年(十五年)，外牆無理由要業主自行負責維修，如果咁講外牆便是屬於業主本人，那麼你便可在外牆賣廣告賺錢，當然也有例外，所以要看大厦公契。我建議你首先搞清楚係唔係一定要你自行維修先，要同管理處據理力爭，如果公契真係寫明要業主自行維修，咁就無辨法啦(不過我抱有好大懷疑態度)。

請問應如何修補?
修補外牆係一件大事，你要揾一間專業的防水工程公司做。

首先要搭吊棚係外牆
再做(hammer　ｔｅｓｔ）鐵鎚測試，揾出石屎滲水的地方、裂痕和什麼地方還有機會破裂
然後清除所有容易跌落或鬆散的石屎
做一層防水底，然後批回英泥
然後試水
試水無問題後再做一層防水面，再做外牆面（如紙皮石或油漆）
最後再試水就可以
我以上的工序是正常程序，是比較煩複，不過外牆風吹雨打，如果做得唔好又要搭掤再做過，所以我建議你煩複一些都要做好些，如果唔係會仲煩。
最後，如果有任何問題要同管理處交涉，你可再聯絡我，以我經驗我始終認為管理處有責任去處理。

2007-06-18 08:29:11 補充：
如果你唔想咁大陣將，你可以用防水英泥填滿所有縫隙，再油上一防水物料，再做回表面即可，而外牆則做一層防水油就可。

假如大廈管理處唔理, 而家又裝修緊, 叫裝修師傅油防水油, 用白英泥補番縫隙, 另外留意窗框邊緣的膠有否老化, 可能的話加番玻璃膠, 假設你無需要更換鋁窗.

你係咪私人樓,外牆係屬公共地方,可向業主立案法團查詢維修問題,
又抑或係你嘅冷氣機安得唔好,引至滲水呀!!!!你最好先自我檢查一下!