何謂必買必賣

簽咗正式買賣合約之後必買必賣,係話如果買家唔買, 賣家有權殺晒10%的大訂之外, 第時以較低價錢再賣番出去之後仲有權向悔約買家追番差價損失添; 如果係賣家唔賣, 買家可以向法庭頒令賣家必須賣(enforced execution). 但係依家唔係賣家唔肯賣, 而係屋契文件唔齊 以致成交唔到的話, 賣家唔算毀約, 所以只能取消交易(falling through), 退還訂金給你而雙方各自負責番自已的律師費, 當冇事發生。這方面你親戚的律師樓冇講大話.
不過, 一般黎講, 通常情況係, 買方的律師會盡量追齊所有佢認為欠缺的文件, 而賣方的律師又認為其中一些並不是必須的, 於是雙方就拗一大餐, 直至最後如果仍然有啲傾唔埋欄的話, 有啲唔太重要的文件, 買方的律師就會解釋俾買方知, 問佢想唔想成交, 如果想的話, 可以由買家簽undertaking, 表明願意冇咗呢啲文件都願意成交, 咁就最終都成交得到嘞.
其實, 有啲文件究竟係唔係必須, 唔同的律師樓都會有唔同的意見, 有啲律師認為須要, 有啲律師認為唔須要; 就算同一個律師, 對於同一類文件,佢代表買方時佢認為須要. 當佢代表賣方時, 佢又認為唔須要都會嘅. 所以你親戚到時可以考慮冇咗的文件緊唔緊要, 係唔係真係冇咗唔得. 你稔吓, 如果間樓之前交易過幾次的話, 如果真係有啲好緊要的文件冇咗, 之前嗰幾次交易都交易唔成啦, 係冇?如果冇咗的是近期的文件, 咁照計就好容易補番啫, 都唔會影響到成交唔到啦.
至於你話合約寫咗7月中成交, 而你親戚想6月底成交, 其實請記住, 合約就係合約, 寫得7月中成交, 你就真係要預算7月中成交, 如果你親戚真係好想6月底成交的話, 就應該簽合約時寫喺合約度, 否則就真係只可以祈求賣方合作先得嘞.
至於經紀講的話, 你可以唔使理佢住丫, 佢地就梗係想做多啲生意啦,不過技巧就差咗啲嘞, 講嘢咁唔啱聽, 令到你哋唔開心. 你哋先等吓律師樓攪成點, 最終我稔都係會攪掂的.

你親戚果層樓應該係銀主盤! 其實買樓落訂前唔查清楚契先呢?而家唯有係等佢地搵齊資料, 如果真係成交唔到, 銀行自然會退所有己付訂金, 但係銀主盤唔同普通賣盤, 所以無得賠雙倍, 因為銀行只負責賣樓拎番之前D錢, 未必清楚間屋D野, 至於律師費係咪自負就唔清楚! 必買必賣其實係唔比買家撻訂或炒樓, 因為銀主盤價錢比一般市價低! 你可以試下問地產或搵多個律師傾傾

你律師無說謊,因為唔係業主唔想買間樓(佢無違約),只係文件上有問題,所以唔可以要求賣家賠雙訂.重要你俾你d律師費同印花稅添.
如果d文件唔齊(係d契唔齊),叫業主補番,$250一份契(但只可以追對上15年d契,超過業主可以唔補.
PS 一定要文件齋先買,免一後煩
from:地產代理