單眼皮~雙眼皮膠紙一問..

我本身都係內雙~近幾個月開始用整雙眼皮既野~
都試過好多~應該可以俾到d意見你既!!

如果用膠紙既話其實一定會見到, 因為無論你眨眼定係抬高頭既時候一定會見到。
所以如果你唔想俾人見到但又想有雙眼皮, 除左你所講好難用既膠水之外,
唔知你知唔知最近有一隻雙眼皮膠條!!
係一條好幼既膠線, 用佢痴響個雙眼皮線位, 等於將個個線位既眼皮痴住,
而由於眼皮既肉會將條線遮住,
所以應該係目前為止繼膠水之後唔化妝而又遮得住既雙眼皮物品。
當然, 仍然係要經過練習之後好好地痴先會遮得好完美啦~
但我覺得係比膠紙好d, 始終冇咁易俾人見到。

如果你堅持想用膠紙, 就要剪到好幼, 然後貼係個雙眼皮線上/下小小,
咁俾人發現既機會可能會小d~但抬頭就無可避免地會俾人發現架啦。
其實膠紙的話我比較建議可以係訓覺個陣用~
唔少人都係咁講, keep住訓覺痴, 快既一頭半個月, 或者幾個月之後,
隻眼好自然會變左雙眼皮~咁以後就唔需要再用膠水膠紙膠條咁麻煩啦~

至於膠水其實唔會太難用呀~但問題係你要「吉」得好準~
唔好吉完又吉, 咁就會唔靚囉。
唔知你係咪用eye talk綠色個支膠水呢??個支其實唔錯架~
透明而且乾得快~你一搽完, 然後就準確地吉落去個雙眼皮線度,
然後hold一陣再快手拉個叉出黎~咁就得架啦~
難就難在你要吉得好準~但呢d都可以係事前練習~所以其實唔算太難~~
不過其實睇真d會有一個膠水印係度的~

總括黎講, 我而家用緊雙眼皮膠條~因為唔顯眼(我係唔化妝時用的),
而且比較唔傷眼部皮膚(始終膠紙膠水好易令眼皮鬆弛)~
但缺點係佢終於痴既範圍細, 如果一開始痴唔好佢好有可能會彈返出黎~
雖然個包裝寫用半年就會keep住個雙眼, 但我覺得唔係^^"

膠紙就比較明顯, 而且用個陣其實隻眼會有小小唔舒服。
最重要既係佢會令你既眼皮變鬆......如果你唔用雙眼皮產品,
眼皮轉返單既話, 將會比以前更~單!!(不過呢個好睇人既膚質,
有網上用過既人話佢地既眼冇鬆)
好處當然係痴得比較穩, 化妝既話最好係用佢啦~因為穩定d嘛~
而且最重要既係你用耐左真係可以唔用任何野, 隻眼就變雙眼皮!!
訓覺用真係有好好既效果~

膠水就好方便, 其實真係幾易用的^^"你試多幾次丫~
缺點係佢整既雙眼皮其實唔太自然囉...而且個膠水痕.....
知道既話就好明顯架啦...不過留意唔到既就一般黎講係唔會發現既~
不過我覺得佢又傷眼皮, 又唔可以用耐變真雙眼皮, 痴住隻眼又唔舒服,
除左真係好急個陣我會用佢~其他時間我唔會考慮囉~

終於打完啦~希望呢d野真係幫到你啦~!!加油呀~~
為靚靚既雙眼皮而努力啦!!
(雙眼皮膠條要係yahoo!拍賣度買, 其他地方我唔見有,
你可以去seach下~我都係係個度買的^^)