台灣酒店一問..麻煩幫一下!!!

老實講我對於你呢3間酒店都唔係太熟悉,對唔住
不過我可以解答你第2,第3同第4個問題
因為我剛剛去完台北
1/2. 我覺得近捷運同西門町其實都ok方便
因為西門町本身有個捷運站西門站
若果你既酒店係西門町就要check下佢近唔近捷運,
好似我咁, 雖然係住係西門町果頭不過都要行1,2個字先到捷運站
不過住係西門町既好處係唔怕悶,因為果度本身已經好旺
仲愈夜愈熱鬧---因為個夜市
酒店可以諗下東龍,長虹,因為係西門町同近捷運西門站
3.最好book埋先la
若果你係買package就方便d
唔駛煩, 一次過搞掂
我覺得去旅行應該要有預備, 咁會放心d
如果唔係拖住d行李周圍走好麻煩, 又浪費時間
4.對於check in我就唔清楚
不過check out時我就好有經驗
因為我12點前要check out,飛6:30機, 仲有成日
於是我地就將d行李放係d locker度
locker係台北車站度會有,大概係火車站果便(因為台北車站又係火車站又係捷運站)
NT50 放3個鐘,超時再加NT50
呢個價錢係最大size既同係新locker
有d舊既會平d
仲有提下你
你若真係用ocker, 要認住條路點行, 個locker係近邊個出口同附近有咩店舖
因為我到開locker時唔認得路(因為果度太大la)
結果搵左好耐先搵番.......
用locker既好處係你地放低d行李後可以去其他地方
好似我果日之後去左故宮
果度真係好方便,因為可以因住d時間番去車站食d野然後搭國光客運出去機場
雖然我答唔曬你所有問題
但係我都盡答,希望可以幫到你la~~
have a nice trip~

我剛剛從台灣回來,沒有入住你所提及的三間酒店.我住左天成飯店,我本人覺得相當之方便,因為座落台北車站旁,不用怕找不到,而且房間也相當之滿意,十分整齊,聽旅行社的職員講,酒店剛做了翻新.另外我見到對面的凱撒飯店也是不錯的選擇.而且附近其實也有不少的食市,台北車站也有一個頗大的地下街,還有書店.

西門町雖然也方便,但是那裡的飯店往往不在捷運站出口附近,需要時間去搵,我覺得頗麻煩,如果你想夜晚有街行下,其實你住台北車站那邊,再坐捷運過西門也相當方便,只是一個站(一個站的距離就好像香港mtr般,很快)

另外check in & out的問題,一般飯店都可以早少少check in,試想想,每一個客人都一定是12.00 check out,飯店要2pm才給你check in 目的都是想給時間他們清理房間,所以你早了一點到酒店也可以check in.

而check out方面,你check out後可以將行李寄存在飯店,一般飯店也沒有問題的.

我建議選萬事達(西門町店)及喜瑞飯店較好~~!
萬事達(西門店),位於西門町旁,距離西門捷運站約5分鐘的路程,是西門町較新的飯店,房間質素不錯又乾淨~~!
好處是在西門町旁較熱鬧,晚上回酒店前可以在西門町閒逛完才回酒店,不用專程安排時間去西門町Shopping~~!
喜瑞飯店,距離捷運善導寺站及忠孝新生站約10分鐘的路程,出入都算方便~~!
若你主力在台北沿捷運遊覽,當然選較近捷運站的飯店會較好,不然出入不方便~~!
不一定要選擇西門町一帶的飯店~~!
但我個人較喜歡入住西門町及台北車站一帶的飯店,因為附近較熱鬧又多地方逛,而且來回機場方便,又近火車站,方便去些近郊地方~~!
除萬事達外,我建議可以選西門町的富園~~!或者是台北車站旁的天成,都是不錯的選擇~~!
建議你book好先出發,特別是在西門町及台北車站一帶的酒店,多數walkin都沒有房呢~~!要拿著行李去不同酒店找房會較麻煩又擔心呢~~!
check in不一定是指定的時間才可入房,要看你入住的酒店full唔full,若個full的話就要等有人退房才有房,再清潔,那就可能真的要在指定時間才可以check in入房~~!若果不太full,或d客早退房,那麼一般你check in,佢有房就會安排你入住,就可以入房呢~!
不過若你坐早機一早到達,而不能入房,你可以放低行李在酒店,先出去玩完,晚上回來才正式check in入房,不過方低行李時要通知職員,只要佢知你book咗房,佢會找位置給你放行李,有人幫你看著呢~~!
而退房時間就是定咗的,一定要在指定時間前退房,不然要多付房錢的~~!你退房後,同樣可以同酒店職員說明你何時回來拿行李,一般佢會給你一行李咭,然後會找位置給你放行李,你到時回酒店拿就可以了~~!
不然就像上一個回答者說,將行李放在儲物櫃~~!