貓毛可用黎織頸巾嗎？

我建議妳都係考慮做貓枕頭，用ｄ貓先填入去啦。
因為用想貓毛織冷衫或者頸巾實際上唔係太 work 的。

首先，去雜質係好麻煩的；
而且，另一個大問題係妳好難將ｄ貓毛連續變成一條冷，
咁又點樣織呢？


其實貓毛既纖維有ｄ似兔毛，都係比較粗長，而直，纏繞性低。
不過貓毛就比較硬，而兔毛比較柔軟。
(相對羊毛纖維就比較幼細，纏繞性高)

商業上係有用兔毛作為紡織用料或者毛冷，就係因為兔毛既柔軟度；
所以雖然成本較高，都仲有市場。

理論上，係可以利用紡兔毛既方法黎紡貓毛，
不過商業上唔會咁做，因為成本同產品質量唔合經濟原則。


註：將兔毛由原毛料變成毛冷係需要好複雜既程序；
包括用蒸、煮、過濾既方法去除雜質，
然後要加入其他纖維去紡紗 (多數加入羊毛、尼龍等)；
如果唔加其他纖維，剩係兔毛好難紡成紗。

所以妳好少會見到 100% 兔毛既產品，但係 100% 羊毛就常見得多。

洗乾淨先...........