YOKI兄，想請教安德利果汁 (8259) 有關其負債的問題?

安德利果汁（８２５９），市值雖然只得７．７億，但公司並不代表只是值７．７億，市值只是股價ｘ股票的發行量得出來的數字！

現時見到的７．７億是　H　股的價值，安德利果汁（８２５９）還有部份資本是非Ｈ股的，就是內資股，所以７．７億只是公司在Ｈ股（８２５９）的市值，並不是公司的總值！

就算是負債，都應先分開短期負債和長期負債！

短期負債應該要與公司的生意額來比較，生意做得大，欠供應商錢多有乜咁出奇，你自己做生意都要〔擇〕下啲供應商數啦！

至於長期負債，都要睇吓邊個借畀佢，借咁多錢畀人，會唔會唔 Check 吓間公司盤數先至借，唔通借錢畀佢果個是傻仔？

第二，要衡量公司的周轉有沒有問題，並不是那麼簡單以股東資金與長期，短期負債或總負責來比較！現時很多公司都是用別人的錢來做生意，不是真的用股東自己的錢來做生意，這就是做生意的借力打力的手法！

中學年代，老師會教你甚麼 Gearing Ratio，Quick Ratio, Acid Ratio, etc... 十分單純！

大學年代，已經昇華到怎樣利用別人的資源來做自己生意！就是我們要學的精髓！借力打力，分散及拆開別人的勢力，要他們亙相牽制，要他們自相矛盾等．．．

例如，好像麥當勞，你去買一個超值套餐，你要即時畀現金，但麥當勞呢，服待你個女仔要成個月先出一次糧，你食啲薯條，漢堡包等等，啲供應商好可能成幾個月先至有數收，就算幫佢裝修間公司，可能都要成幾個月先至有數收！麥當勞係用緊不同的供應商，包括伙計在內去 Finance 緊間公司，就算剛剛開間麥當勞，玩下手都係問銀行借錢番來開，做生意就是這樣的，乜要自己拎錢出來做生意嘅咩？

我十年前開自己的公司，都係用左１萬蚊開嘅，原本由一張檯做到而家有乜有乜，都係由果一皮嘢變出來的，咪又係用個客啲錢及用供應商啲錢，你估我咬住金鎖匙出世麼？我原本邊處有錢姐！我屋企以前都冇錢嘅！

公司最緊要係周轉到，唔係咁簡單睇吓股東有幾多錢，負債有幾多錢就可以！

有些公司股東資本係好少，例如公司的資本只有＄１，公司的其他的資產也是由債項去 　Finance　間公司！大學年代　Ｂ　Ｌａｗ　的第一課就好似是教　Solomon is Solomo！即是　Solomon　同時是公司的股東，但同時又是公司的債權人！香港都唔知有幾多有限公司的資本是＄１，唔通那些公司又周轉唔到？

周唔周轉到，最緊係要睇２個 Period，即是 Collection Period and Payment Period.只要公司是有錢賺，而 Collection Period 是短過 Payment Period，公司何來有周轉問題？

雖然我找不到安德利果汁（８２５９）的 Collection Period and Payment Period是幾多，但最近公司收購間廠係全部用內部資源攪掂，公司攪咁多野都仲未攤隻手板出來，你又認為佢周唔周轉到？

【明報專訊】安德利果汁（８２５９）董事長助理周錦雄昨表示，公司正洽談收購內地的果汁廠項目，涉及年產能２萬噸，希望協議可於未來數日內達成並對外公布，代價將由內部資源支付。公司未來會斥１億元（人民幣．下同）建山西廠房，冀增加產能３萬噸至總數２５萬噸。
另外，公司預期今年度付運的果汁數量為１６萬噸，按年增加１倍，明年度為１９萬噸。周錦雄又指出，濃縮果汁價格期內為每噸１，０００美元，料未來可升至１，５００美元，公司又希望今年的毛利率可由現時的１７．５%回復至２５%。


YOKI WONG
圖片參考：http://hk.yimg.com/i/icon/16/3.gif

真係學到野!! thank you~