Todai自助餐是否安全

2007-06-14 4:03 am

✔ 最佳答案

我最近才去過食兩次Todai，touch wood我都無事。因為我印象中Todai的日式壽司﹑飯糰﹑冷麵等等都有很多樣款式，也有長腳蟹爪﹑生蠔等貴價食品，其實用大約$2XX價錢去食Todai都算物有所值，總好過酒店自助餐日式食品「木木獨獨」嘛。
如果講開食嘢「中招」有時都真係講彩數，「中咗」真係唯有講句唔抵！另外，有些人腸胃真係唔得又強要食生冷嘢，佢哋真係有點兒咎由自取！仲有，如果在食高危食品時，真係可以多多留意，如果有異味就忍吓口唔好食落去囉！
至於Todai成日有食物中毒事件，怕的人真係唔好幫襯喎，正所謂「衰開有條路」嘛，當然，餐廳應該要檢討一下，查一查其實係唔係有員工唔注意衛生，或者有員工屬「帶菌者」，都有可能在處理食物過程中將細菌帶落去食物度。