點解我d倉鼠會整哂d木糠入食物盆到??

✔ 最佳答案

有d鼠的確係好鍾特登整d木糠入食物盆,我之前有d鼠都係咁,有隻甚至會反轉個盆埋左d食物先安落

自然界既鼠鼠係住在地下,所以鼠鼠係好鍾意挖地洞,而鼠鼠搵到既地物都係埋在地底既洞,同自己訓既地方唔同咁樣開個洞,避免被跟蹤後被偷食物.
所以有部份既鼠都會有埋食物既習慣

要改變鼠鼠既天性係好難,你可以試下以下方法:

1)從裝食物既食物盆著手.買d高d,等鼠鼠唔係咁易整晒d木糠入去

2)如果個籠有兩屠,二樓係冇木糠既話,可以將食物盆放在二樓.

3)增加鼠鼠既安全感,俾足夠再多d既食物,同鼠鼠既關係加好,鼠鼠安心之後情況都會有改善,不過就需要好多時間.
鼠鼠買返唻既初時,要同鼠鼠熟d既方法:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

4)同(3)既用意差不多,如果你兩隻鼠係一齊住既話,分開佢地,咁鼠鼠既安全感都會多好多好多.而家成日有個敵人一齊住,自不然當然怕食物被食晒啦

如果你兩隻鼠真係一齊住既話,希望你考慮盡快分開佢地,唔好睇黃金鼠咁純,其實黃金鼠係更加更加接受唔到有第隻鼠一齊住.我細個都試過黃金鼠加小灰霸咁養,以為木隻既黃金鼠可以同惡既小灰霸勢力平均d唔會有事(當然我身邊既大人係咁同我講),最後忽然有一日就打死晒了,呢件事到而家我都覺得好唔開心呢.
之後又試過買隻女既一隻返唻,生左好幾隻bb,未戒奶都打到飛起,一隻冇左一部份耳,一隻打到佢傻左咁成日叫,但未戒奶又唔分得,睇住聽住都只能乾急...

如果你而家2隻咁樣一齊(希望我講錯),真係唔想你步我後塵

另外,就算係同or唔同品種,我本身好反對人養倉鼠唻繁殖or一籠多鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢.
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢.
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦.
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶.

2007-06-14 23:34:24 補充：
唔知你隻鼠係自己混種定係點樣混出唻,但你要小心處理,以基因及遺傳學角度去睇,呢兩種混種係好有問題既,好易會有一d遺傳病,例如糖尿病,骨生得唔好,長大後易癱,臂病,易有濕尾症等問題一d看似好特別,好靚既品種,其實已經可能係畸形既品種,呢d係我之前睇一d基因及遺傳學既資料睇返唻既.唔睇過我都會覺得係特別靚,唔知寵物店知唔知呢d問題,但一般都會話係特別品種,其實咁係繁殖所試驗or圖利既結果就算唔係多品種擺放,如果係多過一隻放一個籠,都一樣會有打交既問題.希望你唔好介意我咁講,但唔希望唔了解下忽略左呢d問題,都希望唔好將咁混既品種再繁殖落去,因為愈混得多次,就愈多機會發生問題

點解我d倉鼠會整哂d木糠入食物盆到??

回答 (3)