✔ 最佳答案
我剛在上完工聯會的瑜伽班(上環中心).
毛巾要帶, 大細視乎自己需要. 有人會帶大毛巾, 鋪在軟墊上(可能覺得咁樣乾淨些)又或者覺得涼時用來蓋一下(班房會有冷氣). 我自己就貪方便, 只帶一條普通size毛巾抹抹汗.
衣著方面, 工聯會班的參加者都好casual, 唔使怕要同人鬥靚, 所以著事乎自己習慣同喜好. 長短衫褲都有人著. 不過因為班中間中可能有一兩位男同學, 著衫時自己就住小心走光啦.
鞋一定唔著, 上堂前除鞋放上門外的鞋架. 著唔著襪就隨自己鍾意, 怕污糟就著, 鍾意free d就好似我咁除埋襪.
另外:
有需要可以帶個水樽仔, center度亦通常會有飲水機.
上堂前唔好食咁飽, 個個導師講的時間不同, 但我諗至少一兩個鐘前唔好進食, 上完堂後亦至少45分鐘唔好食野同沖涼.
希望以上經驗幫到你.