男朋友話要拍散拖

好明顯佢對你心淡, 冇計, 邊個叫你傷害佢咁多, 你想保持正常的男女關係, 就唔該你專一D, 唔好再去識其他男仔啦! 如果你真係真心鍾意佢, 就一條心啦! 最初佢梗係會對你比較冷淡, 但慢慢佢發覺你只係鍾意佢一個, 而且冇再識其他男仔, 佢就會心軟架啦!

不過如果你死性不改, 仲要繼續溝仔, 咁冇人幫到你, 只會有一日佢頂唔順, 或者遇到個識欣賞佢, 珍惜佢既女仔, 佢就同你say good bye!

你自己諗下啦! 反省下點解對方要咁對你先啦!

你呢個問題我之前好似有類似的...又係個女仔唔專一, 要個男仔就晒佢, 但個男仔就真係點樣傷害佢,佢都咁愛呢個女仔。真係對呢個CASE 好深刻印象。

佢地講得冇錯架, 大致上既講野差唔多, 不過我都係臭下熱鬧。
你20歲都係細, 我想問一問你地拍左幾耐呀, 點解會成日傷害到佢呢！有冇諗過一個問題,就係你地性格夾唔夾先, 如果兩個都係硬崩崩既, 冇得千就既,我勸你分手好過啦！無謂拖拖拉拉；不過照你咁講, 呢個男仔叫去找其他男仔, 可能係佢對你已失去信心, 你對佢黎講有女朋友等於冇女朋友, 即係話可有可無；

照咁樣黎睇, 唔~~~~~~個男仔想同你分手,但係又唔舍得你, 你男友都係唔得洒脫,
但係你亦都有唔岩既地方, 呢個男仔好唔好我就唔清楚啦！但係照你咁打出黎,你都對佢唔住囉！

不如索性把心一橫, 來過你追佢, 但係...你要好肯定自己係咪好鐘意對方 , 如果你個心係三心兩意的話,你就唔好反過來追啦；免得佢又傷死呀。

好心你男友唔好拖拖拉拉啦.......既然你傷得佢咁多，佢又唔捨得放手，盞大家都傷啦

如果佢真係愛你的話，你點傷佢佢都唔會話佢會拍散拖黎報復你和傷害番你的.....

既然係咁，不如正式分手等大家唔好咁傷囉

你地起一齊但心裡有條刺起度你地會開心嗎??? 長痛不如短痛吧....佢咁講証明佢沒有寬恕過你曾經傷過佢，一個唔會原諒你過犯的人和他相處會開心嗎?? 佢會唔會時時提住你曾經hurt過佢d野呢??

照咁睇你男朋友都傷得幾甘,傷到近乎死心.其實短時間內都好難令佢回復以前一樣.如果你試過偷食就更加唔洗諗.你可以試下將你傷佢既野對佢做D承諾,希望長時間證明你既誠意同比佢知道你係愛佢既.真心真意同佢講聲<對唔住>.佢唔聽既話你就寫落封信度,自己copy一份.一來提醒自己,二來比佢知道你既決心.其他就要睇你造化喇!

佢咁講好明顯係.. 你已經唔重要啦, 佢想溝個個, 但係溝個另一個之前佢仲想有野揸手
講得難聽d你變左佢隨傳隨到既外賣, 一係佢想做鴨
男人梗係想你唔好痴身, 方便佢出去溝女, 佢已經有一件都唔出奇, 你咪俾佢聶下時間囉, 做下後備, 發洩下佢既需要
唔會好似以前咁對你? 算數啦, 講到呢句, 佢都已經疊埋心水搵個件. 鍾意就鍾意, 呢d野冇一半一半既, 係鍾意你唔會叫你去搵仔既, 無可能
以前鍾意你個人, 而家淨係鍾意你body, 就係咁簡單, 男人既散拖=性需要
傷係一個藉口, 扮下可憐, 叫佢去安慰藉佢
我寫包單你一個月唔搵佢, 佢實打黎搵你!
佢打黎唔係想傷自己, 係咁傷就唔會再打黎
可以一齊又唔使同佢拍散拖?呢d仔早飛早著, 你飛佢包佢番黎求番你!!!
不過呢d仔都係冇用架啦, 俾我飛硬, 你唔想飛可以釣高黎賣.

磚一D
當初你應該和佢一齊玩

唯一的方法, 就係唔該你唔好再傷佢, 唔該你專一D!!!
你當佢係人, 或者你認為應該尊重佢, 你就唔該唔好搵第二個!

其實戀愛呢樣野
玩得就遇左傷
不過有陣時你傷得人地太多太深
個男仔仲好鐘意你﹏不過對你已經冇哂信心
你要令佢對你有信心就要keep 住唔可以再傷害佢
男仔都會有脆弱既一面[本人是男]
你e+ 可以做既野就係好好咁由拍散拖呢個關係回復番去正常情侶呢個關係
我講可能好易
不過最重要係你要比佢感覺到你好著緊佢...
衰d講句﹏你要管住佢...個男仔可能覺得你煩...不過你要keep住有行心...
你亦都唔可以放棄佢去搵另一個男仔bor~如果比佢知道左你死硬=v=
最後最後....
如果真係唔得既話...你認真問佢仲愛唔愛佢...有d 野迫到埋身既時候...就要作出決擇..
佢唔再愛你亦都係有理由﹏你唔愛佢就冇理由[因為你話想同佢o係番埋一齊]
ps: 希望你地2個可以做番一對真真正正既情侶啦!!!