個頭勁易油

頭油因分泌過多
　據皮膚科專科醫生黎湛暉表示，「頭油」是由皮膚經皮脂腺分泌出，並積存於頭皮上的油脂。皮脂腺遍布於頭皮、前額、面頰、鼻翼和頸部，而它們分泌出的皮脂，則沿導管進入毛囊，繼而擠向皮膚表面，用以滋潤皮膚和毛髮。當頭部皮脂腺分泌過分旺盛的時候，就會造成頭油過多的問題。一般來說，皮脂分泌旺盛期介乎10至40歲之間。除了年齡之外，個人體質的差異，如內分泌過多，亦是頭油過多的成因。

抓刮造成頭皮屑過多
　至於「頭皮屑」，則是頭皮表層的角質皮膚細胞剝落而形成的碎屑。頭皮屑本身屬於頭皮的死皮，基本上會隨風而去，是自然的新陳代謝，並不造成任何問題。不過，如果我們過度用力抓刮頭皮，令頭皮發炎的話，就會釀成頭皮屑的困擾。此外，頭皮過多亦可能由於患上脂溢性皮膚炎或銀屑炎（牛皮癬）所致。

適當洗頭可改善
　要解決頭油和頭皮的問題，最簡單直接的方法是注重個人生，適當地清洗頭髮和頭皮。市面上，一般含有Selenium Sulphide和Zinc Pyrithione成分的洗頭水，已經有效達至清除頭油和頭皮屑過量的目的。不過，如果情況嚴重的話，當事人則可能已患上脂溢性皮膚炎或牛皮癬，應盡早尋求醫生的專業協助，切勿自行到藥房配藥治理，以免加重病情。

逐一踢爆常見謬誤

一錯！頭油和頭皮屑過多是污糟的表現
解釋︰頭油和頭皮屑分別是皮膚的油脂分泌物和代謝物，本身與細菌和骯髒無關。不過，當油脂跟空氣中的酵母菌結合後，就會導致脂溢性皮膚炎或牛皮癬等皮膚問題。

再錯！天氣會影響頭油分泌和頭皮屑量
解釋：頭油分泌和頭皮屑量並不會因為天氣而緩和或惡化，而是受人體的油脂分泌、新陳代謝、手指甲抓刮和洗頭習慣等影響。

三錯！一般焗油、頭髮護理有助改善頭皮素質
解釋：上述護理均無助於改善頭皮素質，不過卻有效使頭髮變得順滑和容易打理，從而改善整體外觀的整潔度。

你都係剛剛發育完，油脂分泌末平衡好，用天然松焦油加茶樹油洗頭水，可以控油同除臭，情況若有改善可轉慢慢回普通洗頭水。

我聽過有d人講 , 你屬油性頭 , 就唔好用太多油性既洗頭水 , 因為佢會慣左用呢種洗頭水 , 而控制左你頭裏面既油份小d , 咁你個頭就會不停咁分泌更多既油份 , 久而久之 , 相反你個頭就會更加快及多油份了 ..

同埋唔好用d洗頭水幾合一果d , 對頭髮都唔係幾好 ..

至於食野方面都有d關係 , 最好食d清淡d既野 ..

你現在可以做既方法 , 一係執下屋 , 等屋企無咁易污糟 , 頭髮無咁易因外來既污染而出油 , 一係注意食物方面 , 再唔係的話 , 可以轉下洗頭水 , 試下唔好用油性洗頭水 , 用d清爽d果d , 或者有d薄荷味去頭皮果d睇下點樣 , 要試下先知了 ...

我自己都係一d 個頭好易油的
我覺得係天生架
不過有d方法你可以試下
我個人覺得都幾work

(1) 你可以試下唔好用護髮素
我覺得唔多唔少係冇咁油

(2) 洗頭時用多d 水過清d洗頭水
有時你可能洗唔清都有關係
仲有, 唔好用太多洗頭水, 足夠就夠, 唔係好易過唔清

(3) 你改在朝早洗頭
至少出街畀人見到你個頭冇咁油

(4) 唔好太夜洗頭，仲要確保個頭要全dry 先好去訓

(5) 仲有, 洗完頭, 用毛巾擦乾, 但千萬不要用毛巾包住個頭
我覺得咁會令d 頭髮冇咁好

(6) 最後, 你可能呢樣覺得冇用, 但我覺得都有dd 關係
就係保持心情愉快, 因為個人太緊張都會出頭油架...

希望幫到你啦